بۇل تۋرالى باسەكەلەستىكتى قورعاۋ جانە دامىتۋ اگەنتتىگى (ازرك) ۇسىنعان جەكەلەگەن تاۋار نارىقتارىنداعى باسەكەلەستىكتىڭ جاي-كۇيى جانە مونوپوليستىك قىزمەتتى شەكتەۋ بويىنشا قابىلدانىپ جاتقان شارالار تۋرالى ەسەپتە ايتىلعان.

"مۇناي وڭدەۋ زاۋىتتارىن مەملەكەتىن باسقارۋدىڭ ساپاسىزدىعى جوسپاردان تىس جوندەۋ جۇمىستارىنىڭ سانىمەن سيپاتتالادى. اقپان ايىندا اتىراۋ ءموز كاتاليتيكالىق كرەكينگتى توقتاتتى. وسى ايدا پاۆلودار ءموز سۋتەگى ءوندىرىسىنىڭ قوندىرعىسىنداعى اقاۋعا بايلانىستى ديزەل وتىنىن شىعارۋدى دا اپاتتى تۇردە توقتاتتى. بۇل رەتتە، اتىراۋ جانە پاۆلودار ءموز جاڭعىرتۋعا سالىنعان قاراجاتتىڭ جالپى سوماسى بەس جىل ىشىندە 1,9 ترلن تەڭگەنى قۇرادى. سوڭعى ءۇش جىلدا اتالعان مەملەكەتتىك ءموز جۇمىسى جوسپاردان تىس  106 مارتە توقتادى، ال شەتەلدىك ينۆەستورمەن  (50,2%) بىرلەسە باسقارىلاتىن شىمكەنت ءموز جۇمىسى جوسپاردان تىس 21 رەت توقتادى، بۇل اكتيۆتى نەعۇرلىم ءتيىمدى باسقارۋدى كورسەتەدى. ءوز كەزەگىندە، ءموز-گە مەملەكەتتىك قاتىسۋ اپاتتاردى جويۋدى قيىنداتادى، ويتكەنى قولدانىستاعى زاڭناماعا سايكەس جابدىقتاردى ساتىپ الۋ شارتتارىن جۇرگىزۋ جانە ساقتاۋ قاجەت", - دەلىنگەن ەسەپتە.

ەسكە سالايىق، 3 شىلدە كۇنى ماەك-تە №1 ەنەرگەتيكالىق بلوكتىڭ جۇمىسى اپاتتى جاعدايدا توقتاپ قالعان بولاتىن. اپات سالدارىنان "اتىراۋ مۇناي وڭدەۋ زاۋىتىنىڭ" جۇمىسى دا توقتادى. قالانىڭ ءبىراز بولىگى جارىقسىز قالدى.

فوتو: اشىق دەرەككوزدەن

Abai.kz