مىڭداعان ۋكراين رەسەيدىڭ بار اۋماعىندا جانە وككۋپاتسيالانعان جەرلەردە رەسمي جانە رەسمي ەمەس تۇرمەلەردە وتىر. وندا ولاردى ازاپتاپ، پسيحولوگيالىق قىسىم كورسەتىپ جانە قۇلدىققا تارتىپ جاتىر دەپ جازادى Associated Press.

باسىلىم رەداكتسياسىنا تۇسكەن رەسەي ۇكىمەتىنىڭ رەسمي قۇجاتىنا سىلتەمە جاساپ، وندا ونداعان تۇرمە سالىنۋ جوسپارى بارىن جاريالايدى. تۇرمەدەگىلەرگە قاتاڭ قىسىم كورسەتۋ ارقىلى جەنەۆا كونۆەنتسياسىن بۇزىپ وتىر دەيدى.

اگەنتتىك تىلشىلەرى تۇتقىندا بولعان ۋكراين ساربازدارىمەن، ولاردىڭ وتباسىمەن، ۋكراين بارلاۋ قىزمەتىنىڭ قىزمەتكەرلەرىمەن سويلەسىپ، سپۋتنيك ارقىلى تۇسىرىلگەن سۋرەتتەرگە اناليز جاساپ، الەۋمەتتىك جەلىلەردەگى جازبالاردى زەرتتەگەن.

AP وككۋپاتسيالانعان ايماقتاردا ۋكراين تىلىندە سويلەگەنى ءۇشىن قاماۋعا العانىن، ەندى ءبىرىن تەرروريستەر رەتىندە ۇستاعانىن جازعان. كۋاگەرلەردىڭ كوبى ونداعى ازاپتاۋلار جايىندا، تىپتەن زومبىلىقتان ءولىپ كەتكەندەر جايىندا ايتقان.

كيەۆ رەسەي تۇرمەلەرىندە كەمىندە ون مىڭ ۋكراين ازاماتى بار دەپ ەسەپتەيدى.

اگەنتتىكتىڭ زەرتەۋى بويىنشا، قازىر وككۋپاتسيالانعان ايماقتاردى رەسەيدىڭ 63 (بۇۇ مالىمەتىنشە – 125) تۇرمەسى بار. وندا ۋكراين ازاماتتارىن ۇستاپ وتىر.

تۇتقىنداردى الماسۋ پروتسەسىندە 400 ۋكراين ازاماتى ەلىنە ورالعان.

Abai.kz