الماتى وبلىسىنا قاراستى 10-عا جۋىق اۋىلدىق وكرۋگتىڭ اتاۋىن وزگەرتۋ جوسپارلانىپ وتىر. 

اشىق تالقىعا شىعارىلعان اكىم قاۋلىسى مەن وڭىرلىك ماسليحاتتىڭ بىرلەسكەن شەشىمىنە ساي، الماتى وبلىسىنداعى مىنا اۋىلداردىڭ اتاۋى وزگەرەدى:

ىلە اۋدانى بويىنشا:

- ەنەرگەتيچەسكي اۋىلدىق وكرۋگى - وتەگەن باتىر اۋىلدىق وكرۋگى;

- كازتسيك اۋىلدىق وكرۋگى - اسقار توقپانوۆ اۋىلدىق وكرۋگى.

- ەنەرگەتيچەسكي اۋىلدىق وكرۋگىنىڭ پوكروۆكا اۋىلى - كەنەن ازىرباەۆ اۋىلى;

- چاپاەۆ اۋىلدىق وكرۋگى مەن چاپاەۆ اۋىلى - بايكەنت اۋىلدىق وكرۋگى جانە بايكەنت اۋىلى;

- مەجدۋرەچەنسك اۋىلدىق وكرۋگى مەن مەجدۋرەچەنسك اۋىلى - اقساي اۋىلدىق وكرۋگى جانە اقساي اۋىلى;

- كازتسيك اۋىلدىق وكرۋگىنىڭ كومسومول اۋىلى - جايناق اۋىلى بولىپ وزگەرەدى.

تالعار اۋدانى بويىنشا:

- پانفيلوۆ اۋىلدىق وكرۋگىنىڭ قىزىل تۋ-4 اۋىلى - جىبەك جولى اۋىلى بولىپ اتالادى.

كەگەن اۋدانى بويىنشا:

- جالاڭاش اۋىلدىق وكرۋگى جالاڭاش اۋىلىن جالاعاش اۋىلىنا.

«وسى الماتى وبلىسى اكىمدىگىنىڭ قاۋلىسى مەن الماتى وبلىستىق ءماسليحاتىنىڭ بىرلەسكەن شەشىمىنىڭ ورىندالۋىن باقىلاۋ وبلىس اكىمىنىڭ ءبىرىنشى ورىنباسارى نۇرلان ابدىراحىمعا جۇكتەلسىن»، - دەلىنگەن اشىق نقا پورتالىندا جاريالانعان قۇجاتتا.

شەشىم 28 شىلدەگە دەيىن كوپشىلىك تالقىلاۋدا بولادى.

Abai.kz