ۇكىمەت قاۋلىسىمەن مارات مۇحامەتقاليۇلى كۇلدىكوۆ بەرگەن وتىنىشىنە سايكەس توتەنشە جاعدايلار ۆيتسە-ءمينيسترى قىزمەتىنەن بوساتىلدى.

مارات كۇلدىكوۆ 1967 جىلى سەمەي وبلىسىندا تۋعان. 1994 جىلى قر ءىىم الماتى جوعارى تەحنيكالىق ۋچيليششەسىن «ورتتەن قورعانۋ تەحنيكاسى جانە ونى ۇيىمداستىرۋ» ماماندىعى بويىنشا، 2000 جىلى قر تجك كوكشەتاۋ تەحنيكالىق ينستيتۋتىن «ءورت قاۋىپسىزدىگى» ماماندىعى بويىنشا بىتىرگەن.

ەڭبەك جولىن 1989 جىلى سەمەي قالاسىن كۇزەتۋ جونىندەگى ءىىب №79 اسكەريلەندىرىلگەن ءورت ءسوندىرۋ بولىمىنە باعىنىستى ءورت ءسوندىرۋشى بولىپ باستادى. 1993-2008 جىلدارى شىعىس قازاقستان وبلىسىنىڭ مەملەكەتتىك ورتكە قارسى قىزمەت ورگاندارىندا ورتا جانە اعا باسشى قۇرامىنىڭ ءتۇرلى لاۋازىمدارىن اتقاردى. 2008-2012 ج.ج. — شىعىس قازاقستان وبلىسىنىڭ توتەنشە جاعدايلار دەپارتامەنتىنىڭ باستىعىنىڭ ورىنباسارى – سەمەي قالاسىنىڭ توتەنشە جاعدايلار باسقارماسىنىڭ باستىعى.

2012-2014 ج.ج. — جامبىل وبلىسىنىڭ توتەنشە جاعدايلار دەپارتامەنتىنىڭ باستىعى. 2014-2016 ج.ج. — باتىس قازاقستان وبلىسىنىڭ توتەنشە جاعدايلار دەپارتامەنتىنىڭ باستىعى. 2016-2019 ج.ج. — قر ءىىم توتەنشە جاعدايلار كوميتەتى توراعاسىنىڭ ورىنباسارى. 2019 جىلدان توتەنشە جاعدايلار كوميتەتى توراعاسىنىڭ ءبىرىنشى ورىنباسارى قىزمەتىن اتقاردى.

2020 جىلعى 10 قازاندا ۇكىمەت قاۋلىسىمەن توتەنشە جاعدايلار ۆيتسە-ءمينيسترى قىزمەتىنە تاعايىندالدى.

ەسكە سالساق، بۇعان دەيىن توتەنشە جاعدايلار مينيسترلىگىنىڭ ءباسپاسوز قىزمەتى ۆيتسە-مينيستر مارات كۇلدىكوۆتىڭ قىزمەتتەن بوساتۋ جونىندە وتىنىش بەرگەنىن راستاعان بولاتىن.

Abai.kz