جەتىسۋ وبلىستىق قىلمىستىق اتقارۋ جۇيەسى دەپارتامەنتى جۋرناليست دۋمان مۇحامەتكارىمنىڭ دەنساۋلىعىنا بايلانىستى تۇسىنىكتەمە بەردى، دەپ حابارلايدى Ulysmedia.kz.

“تالدىقورعان قالاسىنىڭ تەرگەۋ يزولياتورىندا جاتقان، تەرگەۋ-قاماۋعا الىنعان دۋمان مۇحامەدكارىم مەرزىمدى ەمحانا دارىگەرلەرىنىڭ تەكسەرۋىنەن ءوتتى، ونىڭ ناتيجەلەرى بويىنشا دەنساۋلىق جاعدايى قاناعاتتانارلىق دەپ تانىلدى.

بۇدان باسقا، مەديتسينالىق پەرسونال تەرگەۋدەگى ادامنىڭ دەنساۋلىق جاعدايىنا كۇندەلىكتى مونيتورينگ جۇرگىزەدى”، – دەپ جازدى قۇزىرلى ورگاننان.

ۆەدومستۆو كورىنەۋ جالعان اقپارات تاراتقانى ءۇشىن قازاقستان رەسپۋبليكاسى قىلمىستىق كودەكسىنىڭ 274-بابى بويىنشا جاۋاپكەرشىلىك كوزدەلگەنىن دە ەسكە سالادى.

بۇعان دەيىن ءجۋرناليستىڭ دەنساۋلىق جاعدايى كۇرت ناشارلاعانى بەلگىلى بولعان.

Abai.kz