«سەمەينىي كاپيتال» قارجى پيراميداسىن قۇرىپ، ونى باسقارعان ازاماتتىڭ زاڭسىز ارەكەتىن قارجى مونيتورينگى اگەنتتىگىنىڭ استانالىق دەپارتامەنتى اشكەرەلەدى، دەپ حابارلايدى قازاقپارات.

ول تۇرعىن ءۇي ساتىپ الۋ بويىنشا جالعان باعدارلاما جاساپ، كليەنتتەرمەن كەلىسىمشارت جاساسقان.

ونىڭ شارتى بويىنشا 300 مىڭ تەڭگەدەن 5 ملن تەڭگەگە دەيىنگى ينۆەستيتسيا، 30-دان 60 پايىزعا دەيىن ارتىق تولەممەن تۇرعىن ءۇي الۋدىڭ كۇتۋ مەرزىمى 6 ايدان 10 ايعا دەيىن كورسەتىلگەن.

سونىڭ سالدارىنان ازاماتتار ۋادە ەتكەن پاتەرىن الماعان، سالعان قارجىسى قايتارىلماعان.

وسىلايشا، اتالعان ازامات جالپى سوماسى 450 ميلليون تەڭگەگە جۋىق ماتەريالدىق شىعىن كەلتىرگەن.

ول قاماۋعا الىنىپ، ۋاقىتشا ۇستاۋ اباقتىسىنا قامالدى.

قر قپك 201-بابىنا سايكەس وزگە اقپارات جاريالانبايدى.

قما ازاماتتاردى قىراعى بولۋعا جانە كۇماندى قارجى ينستيتۋتتارىنا اقشا سالماۋعا شاقىرادى.

ەگەر ءسىز جانە ءسىزدىڭ تۋىستارىڭىز جوسىقسىز كاسىپكەرلەردىڭ وسىنداي ارەكەتىنە تاپ بولسا، تۇرعىلىقتى جەرىڭىز بويىنشا ەتد نەمەسە مىنا تەلەفوندارعا حابارلاسىڭىز: 1458, 8 (7172) 70 84 79 (ىشكى 21384).

Abai.kz