كاسىپقوي بوكستان بۇرىنعى الەم چەمپيونى بەيبىت شۇمەنوۆكە قاتىستى «بۇزاقىلىق» بابىمەن تەرگەۋ ءجۇرىپ جاتىر. 

«وسى جىلدىڭ 18 ماۋسىمىندا «Mega Silkway» ساۋدا، ويىن-ساۋىق ورتالىعىندا ورىن العان وقيعا بويىنشا استانا قالالالىق پوليتسيا دەپارتامەنتى بەيبىت شۋمەنوۆكە قاتىستى قر قىلمىستىق كودەكسىنىڭ 293-بابى (بۇزاقىلىق) بويىنشا سوتقا دەيىنگى تەرگەۋ امالدارىن جۇرگىزىپ جاتىر. سونىمەن قاتار قىلمىستىق ءىس جۇرگىزۋ زاڭناماسىنىڭ نورمالارىنا سايكەس، اتالعان ازاماتقا رەسمي تۇردە مەملەكەتارالىق ىزدەۋ جاريالاندى»، - دەپ اتاپ ءوتتى استانا قالالىق پوليتسيا دەپارتامەنتىنىڭ ءباسپاسوز قىزمەتىنەن.

بۇعان دەيىن الەۋمەتتىك جەلىدە جانە بىرقاتار باق-تا استاناداعى ءىرى ساۋدا، ويىن-ساۋىق ورتالىقتارىنىڭ بىرىندەگى فۋت-كورتتا جانجال بولعانىن جازعان ەدىك. كەيىنىرەك قولىندا بالاسى بار ەر ادامعا جۇدىرىق الا جۇگىرگەن ازاماتتىڭ كاسىبي بوكسشى بەيبىت شۇمەنوۆ ەكەنى انىقتالدى.

ىشكى ىستەر ءمينيسترىنىڭ ورىنباسارى قايرات سۇنتاەۆ بوكستان بۇرىنعى الەم چەمپيونى ب.شۇمەنوۆتىڭ ساۋدا ورتالىعىندا ەر اداممەن توبەلەسكەنىن راستادى.

ىلە-شالا بەيبىت شۇمەنوۆ تە الەۋمەتتىك جەلىدە تاراعان ۆيدەوداعى جانجالدىڭ ءمان-جايىن تۇسىندىرمەك بولدى.

بوكسشىنىڭ كىناسى دالەلدەنسە 5 جىلعا دەيىن باس بوستاندىعىنان ايىرىلۋى مۇمكىن.

22 شىلدەدە استانالىق پوليتسيا سپورتشىنى ىزدەۋگە جاريالادى.

فوتو: اشىق دەرەككوزدەن

Abai.kz