"21 شىلدەدە شىمكەنت قالاسىنىڭ مامانداندىرىلعان تەرگەۋ سوتى شىمكەنت اكىمىنىڭ ورىنباسارى ماقسۇت يساحوۆقا بۇلتارتپاس شارا رەتىندە ەكى ايعا قاماۋ شاراسىن تاعايىندادى" دەپ جازىلعان ۇقك حابارلاماسىندا.
ماقسۇت يساحوۆتى 20 شىلدەدە ۇقق پروكۋراتۋرانىڭ ارالاسۋىمەن ۇستاعان. ۇقك وزگە اقپارات جاريالاماعان، تەرگەۋ قۇپياسىنا سىلتەگەن.
49 جاستاعى ماقسۇت يساحوۆ شىمكەنت قالاسى اكىمىنىڭ ورىنباسارلىعىنا 2020 جىلى اقپاندا تاعايىندالعان. وعان دەيىن ەكى جىل قازاقستان پرەزيدەنتى اكىمشىلىگىندە مەملەكەتتىك ينسپەكتور بولىپ ىستەگەن.
ءار جىلدارى "قازاقستان تەمىر جولى" كومپانياسىندا قىزمەت ەتكەن، شىعىس قازاقستان وبلىسى اكىمى اپپاراتى جەتەكشىسىنىڭ ورىنباسارى، اۆتوجول جانە جولاۋشىلار كولىگى باسقارماسىنىڭ باستىعى، وسكەمەن قالاسى اكىمىنىڭ ورىنباسارى، الماتى قالالىق جولاۋشىلار كولىگى باسقارماسىنىڭ باستىعى بولعان.
Abai.kz
