كاتونقاراعاي جانە مارقاكول اۋداندارىن قالپىنا كەلتىرۋ تۋرالى جارلىق جىل اياعىنا دەيىن قابىلدانادى. بۇل تۋرالى ۇلتتىق ەكونوميكا ۆيتسە-ءمينيسترى ابزال ابدىكارىموۆ رەداكتسيا ساۋالىنا جولداعان جاۋابىندا ايتتى.

«شىعىس قازاقستان وبلىسىنىڭ كاتونقاراعاي جانە مارقاكول اۋداندارىن قالپىنا كەلتىرۋ بويىنشا كوتەرگەن ماسەلەلەرىڭىزگە قاتىستى ءوتىنىشىڭىزدى قاراپ، ءوز كۇزىرەتى شەگىندە مىنالاردى حابارلايدى (مينيسترلىك – رەد.). 21 شىلدە كۇنى شقو مەن اباي وبلىسىنىڭ اۋداندارىن قالپىنا كەلتىرۋ/قايتا قۇرۋ تۋرالى قر پرەزيدەنتىنىڭ تاپسىرماسىن ورىنداۋ جونىندەگى ءىس-شارالار جوسپارى بەكىتىلدى. بەكىتىلگەن جوسپاردا شقو جانە اباي وبلىسىنىڭ اۋداندارىن قالپىنا كەلتىرۋ جانە قايتا قۇرۋ ءۇشىن بارلىق ۇيىمداستىرۋ-دايىندىق ءىس-شارالارى كوزدەلگەن. سونىمەن قاتار، جوسپارعا سايكەس جارلىقتىڭ جوباسى ۇستىمىزدەگى جىلدىڭ سوڭىنا دەيىن ازىرلەنىپ، قابىلداناتىن بولادى»، - دەپ جازادى-ۆيتسە مينيستر.

دەگەنمەن، قالپىنا كەلتىرىلەتىن اۋدانداردىڭ قۇرامىندا نەشە ەلدى مەكەن بولاتىنى ازىرگە ءالى شەشىلمەگەن.

«قالپىنا كەلتىرىلگەن اۋدانداردىڭ اۋماعى مەن شەكارالارى، سونداي-اق ولاردىڭ قۇرامىنا كىرەتىن اۋىلدىق ەلدى مەكەندەردىڭ سانى ءتيىستى ءىس-شارالار وتكىزىلگەننەن كەيىن وبلىس اكىمىنىڭ قاۋلىسىمەن بەلگىلەنەدى جانە ايقىندالادى. اۋداندارعا بەرىلەتىن قىزمەتكەرلەردىڭ شتات سانى مەن بولىنەتىن قارجىعا قاتىستى بارلىق ەكونوميكالىق ەسەپتەۋلەر، ونىڭ ىشىندە قوسىمشا شتاتتىق بىرلىكتەر مەن بولىنەتىن قارجىنىڭ كولەمىن انىقتاۋ بويىنشا ازىرلەۋ ساتىسىندا تۇر. جوسپارعا سايكەس بۇل ءىس-شارا ۇستىمىزدەگى جىلدىڭ سوڭىنا دەيىن جۇزەگە اسىرىلادى»، - دەلىنگەن جاۋاپتا.

فوتو: عالامتوردان

Abai.kz