ورتالىق ازيادا داۋرەنى ءجۇرىپ تۇرعان رەسەي بانكتەرىنىڭ باسىنان باعى تايعانىنا دا ءبىر جىلدان استى. بارلىعى قىرعىز، قازاق، وزبەك جانە تاجىك بانك نارىعىنان كەتكەنىمەن، اقشا اۋدارىمىندا تەك «يۋنيستريم» عانا قالعان بولاتىن.

ونىڭ سەبەبى وسى ەلدەردەگى رەسەيدەگى ەڭبەك ميگرانتتارى بولىپ قىرعىز، وزبەك جانە تاجىك ازاماتتارى ءوز وتانىنا اقشا اۋدارىمىن جاساعاندا «يۋنيستريمگە» جۇگىنەتىن. ەندى تىقىر «يۋنيستريمگە» تايالىپ، ونىمەن اقشا اۋدارىمىن جاسايتىن رەسەيلىك بانكتەرگە اقش پەن كانادا تاراپىنان ەكىنشى قايتارا سانكتسيا سالىندى.

وزبەكستانداعى 35 بانكتىڭ 14 وسى جۇيەمەن جۇمىس ىستەپ كەلە جاتقان بولاتىن. ولار ەندى بۇل سالاداعى قىزمەتىن تولىقتاي توقتاتى دەسەك تە، بۇنىڭ جەكە ازاماتتاردىڭ رۋبلمەن جاساعان اقشا اۋدارىمىنا ەش قاتىسى جوق.

بۇل تىيىم سالۋ قىرعىزستاندى دا اينالىپ وتكەن جوق.  ونداعى 6 بانك تە وسى قادامعا باردى. جانە ولار كليەنتتەرىنە جەكە ازاماتتاردىڭ رۋبلمەن جاساعان اقشا اۋدارىمىنا ەش قاتىسى جوقتىعىن مالىمدەدى.

اقش ءوز سەسىن قازاقستان مەن تاجىكستانعا دا كورسەتىپ، اسىرەسە «سۇرعىلت يمپورت» ارقىلى رەسەيدىڭ باتىستىق سانكتسيانى اينالىپ وتۋىنە بارىنشا كومەكتەسىپ وتىرعان ءۇشىن ءبىرىنشى ەكونميكالىق سانتسيانىڭ قىرعىزستانعا سالىنۋىنىڭ ىقتيمالدىعىن اشىپ ايتتى.

بۇعان قىرعىز پارلامەنتى ورە تۇرەگەلدى. اقش قارجى مينيسترلىگى وا ەلدەرىنىڭ رەسەيمەن بايلانىسىن تولىقتاي ءۇزۋى جولىندا ءوزىنىڭ العاشقى قادامىن وسىلايشا جاسادى. بۇعان ءبىزدىڭ بيلىكتىڭ ولاردى نە جاقتاپ، نە رەسەيگە بۇيرەگى بۇرىپ قالاي جاۋاپ بەرەتىندىگىن ۋاقىت ءوزى كورسەتەدى.

Abai.kz