«مەملەكەتتىك بيلىك ورگاندارىنىڭ قاراماعىنداعى اقپاراتقا قول جەتكىزۋ قۇقىعىن ىسكە اسىرۋ ءۇشىن قۇقىقتىق بازانىڭ كۇشىن ولشەيتىن اقپاراتقا قۇقىقتىڭ جاھاندىق رەيتينگىندە (The Right to Information Rating) قازاقستان 2022 جىلى مۇمكىن بولاتىن 150-دەن 60 بالعا باعالاندى»، - دەپ جازىلعان ەسەپتە.

سونداي-اق قۇجاتتا كەيىنگى 6 جىلداعى كورسەتكىش بەرىلگەن. 2017 جىلى ەلىمىز بۇل رەيتينگىدە 57 بالل السا، 2017-2021 جىلدار ارالىعىندا بىرىڭعاي 61 بالل الىپ وتىرعان. ال بىلتىر ءبىر بالى كەمىپ – 60 بولعان.

اقپارات جانە قوعامدىق دامۋ مينيسترلىگى وسى جايتتاردى ەسكەرىپ، قازاقستان زاڭماناسىن مىنا باعىتتاردا جەتىلدىرۋدى ۇسىنادى:

- مەملەكەتتىك ورگانداردىڭ اقپاراتتى اشىپ كورسەتپەۋگە قاتىستى پروبلەمانى شەشەتىن تاۋەلسىز قاداعالاۋ ورگانى مەن سانكتسيالار جۇيەسىن قۇرۋ;

- حالىقارالىق ستاندارتتارعا سايكەس كەلەتىن اقپاراتقا قول جەتكىزۋ قۇقىعىنان ەرەكشەلىكتەر تىزبەسىن بەلگىلەۋ. مىسالى، ۇلتتىق قاۋىپسىزدىك، حالىقارالىق قاتىناستار، زاڭدى كوممەرتسيالىق مۇددەلەر جانە ت.ب.;

- قوعامدىق مۇددەنىڭ مىندەتتى باسىمدىعىن بەلگىلەۋ;

- لاۋازىمدى ادامدارعا ارنالعان وقىتۋ باعدارلامالارىن ەنگىزۋ جانە ت.ب.