پرەمەر-ءمينيستردىڭ ورىنباسارى – ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ماجىلىسمەندەردىڭ مۇعالىمدەردىڭ سايلاۋعا قاتىسۋىن شەكتەۋگە جانە ولاردى سايلاۋ كوميسسيالارىنىڭ قۇرامىنا قوسپاۋعا قاتىستى ساۋالىنا جاۋاپ بەردى.

«پەداگوگ مارتەبەسى تۋرالى» قر زاڭىنىڭ 6-بابىنىڭ 1) تارماقشاسىنا سايكەس قازاقستان رەسپۋبليكاسىنىڭ زاڭدارىندا كوزدەلگەن جاعدايلاردى قوسپاعاندا، پەداگوگتى كاسىپتىك مىندەتتەرىمەن بايلانىستى ەمەس جۇمىس تۇرلەرىنە تارتۋعا جول بەرىلمەيدى. سونىمەن قاتار «قازاقستان رەسپۋبليكاسىنداعى سايلاۋ تۋرالى» زاڭنىڭ 10-بابىنىڭ 3-تارماعىنا سايكەس سايلاۋ كوميسسيالارىنىڭ مۇشەلەرىن ساياسي پارتيالاردىڭ نە وزگە دە قوعامدىق بىرلەستىكتەردىڭ ۇسىنىستارى نەگىزىندە ءتيىستى ءماسليحاتتار سايلايدى. بۇل رەتتە سايلاۋ كوميسسياسىنىڭ قۇرامىنا ۇسىنىلاتىن ادامدار ونىڭ جۇمىسىنا قاتىسۋعا كەلىسەتىنى تۋرالى وتiنiشتەرiن قوسا بەرەدi. وسىلايشا، پەداگوگتەردىڭ سايلاۋ كوميسسيالارىنا قاتىسۋى ەرىكتى بولىپ تابىلادى. جالپى سىزدەر كوتەرگەن ماسەلەلەر بويىنشا جۇمىس جالعاسۋدا جانە ۇكىمەتتىڭ تۇراقتى باقىلاۋىندا»، - دەلىنگەن تامارا دۇيسەنوۆانىڭ جاۋابىندا.

فوتو: اشىق دەرەككوزدەن

Abai.kz