باسىلىم مالىمەتىنە قاراعاندا، اتالعان تىزىمدەگى كاسىپكەرلەر 2014 جىلدان 2023 جىلعا دەيىن رەسەيدىڭ قورعانىس مينيسترلىگىمەن قۇرعان اشىق كەلىسىمدەردىڭ جالپى سوماسى 220 ميلليارد ءرۋبلدى قۇراعان.

"پروەكت" اتاپ وتكەندەي، بۇگىنگى كۇنى بۇل كاسىپكەرلەردىڭ 80-ءى سانكتسيا تىزىمىندە. سونىمەن بىرگە ولاردىڭ 14-ءى عانا كيەۆتىڭ وداقتاستارى دەپ ەسەپتەلەتىن ەلدەردىڭ سانكتسيا تىزىمىنە ەنسە، 34 كاسىپكەر ۋكراينانىڭ ءوزىنىڭ عانا ساكنتسياسىنا ىلىككەن.

ۋكراينادا سوعىس باستالعاننان كەيىن رەسەيلىك وليگارحتاردىڭ بىرەۋى عانا – "تينكوفف بانكتىڭ" نەگىزىن قالاۋشى ولەگ تينكوۆ كرەمل ساياستىنا قارسى شىققان. كەزىندە ول پرەزيدەنت ۆلاديمير ءپۋتيندى قولدايتىنىن جانە ونى ءومىرى وتكەنشە ەل باسشىسى رەتىندە كورگىسى كەلەتىنىن ايتقان. 2022 جىلدىڭ قازان ايىندا تينكوۆ ورىس ازاماتتىعىنان باس تارتقانىن مالىمدەگەن. بۇل شەشىمدى ول "پۋتيندىك فاشيزممەن سەرىكتەس بولۋدى قالامايتىنىمەن" تۇسىندىرگەن. وتكەن اپتادا ول ءوزىنىڭ ۇلىبريتانيانىڭ سانكتسيالىق تىزىمىنەن شىعارىلعانىن مالىمدەدى.

"رەسەيدىڭ قارۋلى كۇشتەرىن قارجىلاندىرىپ جاتقان وليگارحتار ءبىر جارىم جىلدان بەرى سوعىستى ايىپتايتىن ءسوز ايتقان ەمەس. ولاردىڭ كومپانيالارى رەسەي قورعانىس سالاسىن جابدىقتاۋعا ءتيىستى تاۋارلار جەتكىزىپ كەلەدى. ولاردىڭ كومەگىمەن ۋكرايندەردى ءولتىرىپ جاتقان قارۋ-جاراق شىعارىلىپ جاتىر", - دەپ جازىلعان زەرتتەۋدە.

"ۋكراين بيلىگى جۇزدەگەن ادام قازا تاپقانىن حابارلاعان ماريۋپول قالاسىنداعى تەاتردى اتقىلاۋ ءۇشىن فاب-500 اۆيابومبالارى قولدانىلعان. بۇل بومبانى ءوندىرۋ ءۇشىن اليۋميني ۇنتاعىن ولەگ دەريپاسكا ("En+ Group") مەن ۆيكتور ۆەكسەلبەرگتىڭ ("رەنوۆا") كومپانيالارى جەتكىزىپ جاتىر. بۇدان بولەك بومبا جاسايتىن تەتىكتەردى الىپ كەلۋگە ۆلاديمير ەۆتۋشەنكوۆتىڭ ۇلەسى بار "سيستەما" كومپانياسى دا جۇمىس ىستەپ جاتىر", - دەپ جازىلعان زەرتتەۋدە.

سونىمەن بىرگە كاسىپكەرلەر ميحايل شەلكوۆ ("ۆسمپو-اۆيسما"), ەۆگەني زۋبيتسكي ("گرۋپپا كوكس"), دميتري مازەپين مەن روتەنبەرگدەردىڭ وتباسى ("ۋرالحيم") دا ورىس بيلىگىنە جۇمىس ىستەپ، وق-دارىلەردى شىعارۋ ءۇشىن شيكىزات جەتكىزىپ وتىرعان.

دەرەككوزى: centralasian.org

Abai.kz