الماتىدا كوپقاباتتى ۇيدەگى ءورت ءسوندىرىلدى، دەپ حابارلايدى تجم. 

توتەنشە جاعدايلار مينيسترلىگىنىڭ ءباسپاسوز قىزمەتىنەن حابارلاعانداي, قىزىل جالىن ساعات 18:46 كەزىندە وقشاۋلانىپ، سوڭىرا سوندىرىلگەن.

ءۇيدىڭ 1 جانە 16 قاباتىندا ەلەكتر كابەلدەرى جانعان.

ەسكە سالا كەتەيىك، بۇگىن ساعات 17:10-دا تجد كۇش-قۇرالدارى الاتاۋ اۋدانى «اقكەنت» ىقشاماۋدانىندا ورنالاسقان 54-ءشى ۇيگە شۇعىل اتتانعان.

«ءورت سوندىرۋشىلەر وقيعا ورنىنا 6 مينۋتتا جەتتى. ولار 16 قاباتتى تۇرعىن ءۇيدىڭ 5-قاباتىنداعى پاتەر اشىق جالىنمەن جانىپ جاتقانىن انىقتادى. قازىر ادامدار ەۆاكۋاتسيالانىپ جاتىر»،- دەپ حابارلادى ۆەدومستۆودان.

تجم كوپقاباتتى ۇيدەگى ءتىلسىز جاۋمەن كۇرەسكە جۇمىلدىرىلعان ءورت سوندىرۋشىلەردىڭ سۋرەتىن جاريالادى.

الماتىداعى «اقكەنت» شاعىناۋدانىنداعى كوپقاباتتى ۇيدەگى ءورت سالدارىنان 31 ادام اۋرۋحاناعا جەتكىزىلدى، ونىڭ 16-سى - بالالار.

«ءبىرىنشى تامىز ساعات 18:30-داعى جاعداي بويىنشا، الاتاۋ اۋدانى «اقكەنت» شاعىناۋدانى، 54 مەكەنجايىندا بولعان ءورت سالدارىنان قالا اۋرۋحانالارىنا 31 ادام جەتكىزىلدى. ونىڭ 16-سى - بالا. قايتىس بولعاندار جوق. ناۋقاستاردىڭ دەنساۋلىق جاعدايى تۋرالى قوسىمشا حابارلانادى»،- دەپ حابارلادى دەنساۋلىق ساقتاۋ باسقارماسىنان.

Abai.kz