كەزىندە بابالارىمىز ايتقان ەكەن، «قىتايدىكى جەز نوقتا، ورىستىكى تەمىر نوقتا» دەپ، كسرو كەلمەسكە كەتسە دە ونىڭ ورنىن باسقان پۋتيندىك رەسەي ءالى كۇنگە «جامان ءۇيدى قوناعى بيلەيدى» داعدىسىنان تانباي كەلەدى.

وسى جولى تىم قاتتى كەتتى. ۇرىمتال جەرگە پىشاق ۇرىپ، اقىرى ءبىزدىڭ بيلىككە تاعى ءبىر رەت باس يگىزدى. قازاقستان «حاكەر» جۋرنالىنىڭ بۇرىنعى باس رەداكتورى، قازىردە F.A.C.C.T. كومپانياسىنىڭ توپ-مەنەدجەر نيكيتا كيسليتسيندى رەسەي وتىنىشىمەن اقش-قا بەرۋدەن باس تارتتى. بۇل تۋراسىندا رەسەيدىڭ الماتىداعى باس كونسۋلدىعىنىڭ ەلشى-كەڭەسشىسى ارتەم وگانوۆ تاسس اگەنتتىگىنە بەرگەن مالىمدەسىندە: «سوت شەشىمىمەن كيسليتسين رەسەي سۇراۋى بويىنشا اقش جىبەرىلمەيدى»، -دەپ قۋانا پاش ەتتى.

نيكيت كيسليتسين ءبىزدىڭ ەلىمىزدە 28 ماۋسىمدا ۇستالىپ، 2 تامىز كۇنى تاعدىرى اقش ەمەس، رەسەي پايداسىنا شەشىلدى.

كيبەرقاراقشى نيكيتا كيسليتسين وسىدان 10 جىل بۇرىن Group-IB توبىنىڭ قۇرامىندا Formspring پلاتفورماسىنىڭ مالىمەتتەرىن ۇرلاپ، اقش-تىڭ قاس جاۋىنا اينالعان ەدى.

ەندى مىنە، كيبەر ۇرىنى قازاقتار ءوز وتانىنا قايىرىپ بەرىپ، اقش-قا تاعى ءبىر رەت قارابەت بولىپ قالدى.

Abai.kz