بۇل تۋرالى بىرقاتار حالىقارالىق اگەنتتىكتەر مەن باتىس ەلدەرىنىڭ ءباسپاسوزى دەرەككوزىنە سۇيەنىپ جازدى. بۇل مالىمەتتەردى ۋكراين پرەزيدەنتى كەڭسەسىنىڭ باسشىسى اندرەي ەرماك راستادى.
"تۇرلىك كوزقاراستار بولدى. بىراق قاتىسۋشىلاردىڭ ءبارى ءوز ەلدەرى بۇۇ-نىڭ جارعىسىن، مەملەكەتتىڭ ەگەمەندىگى مەن تۇتاستىعىن سىيلاۋ ۇستانىمدارىنا بەرىك ەكەنىن مالىمدەدى", - دەدى اندرەي ەرماك.
40-تاي ەلدىڭ وكىلدەرى قاتىسقان جيىندا ناقتى ءبىر قۇجات قابىلدانباعان. سەبەبى بۇل جيىننىڭ ماقساتى پىكىر الماسۋ بولعان.
بۇل جيىنعا رەسەي شاقىرىلمادى. ەر-رياد جيىننىڭ قورىتىندىسى بويىنشا ماسكەۋگە مالىمەت بەرەتىنىن ايتتى.
ەرماكتىڭ ايتۋىنشا، كەزدەسۋدە ۋكراين دەلەگاتسياسى ۋكراينانىڭ ايماقتىق بۇتىندىگى تۋرالى بۇۇ جارعىسىن ساقتاۋ، ەنەرگەتيكالىق جانە ازىق-تۇلىك قاۋىپسىزدىگىنە بايلانىستى كيەۆتىڭ 10 جوبادان تۇراتىن "بەيبىت فورمۋلاسى" جونىندە كەڭىرەك مالىمەت بەرگەنىن ءبىلدىردى.
DPA اگەنتتىگى دەرەككوزىنە سۇيەنىپ حابارلاعانداي، كەزدەسۋدە ۋكرايناعا بەيبىتشىلىك ورناتۋ بويىنشا ساۋد ارابياسى باستاعان بىرنەشە ولكەنىڭ جاڭا جوسپارىنا ەرەكشە كوڭىل بولىنگەن. وندا تاراپتار وق اتۋدى توقتاتىپ، بۇۇ ارااعايىندىعىمەن كەلىسسوز جۇرگىزۋدى باستاۋ كەرەك ەكەنىن جازعان.
دەرەككوزى: centralasian.org
Abai.kz
