«اركادي ۆولوج — قازاقستاندا تۋعان، يزرايل تەحنيكالىق كاسىپكەرى، عالىم-كومپيۋتەرشى، ينۆەستور ءارى فيلانتروپ. 2015 جىلدان باستاپ يزرايلدە تۇرادى. جاڭا تەحنولوگيالاردى زەرتتەۋ جانە ازىرلەۋمەن اينالىسادى»، - دەلىنگەن كاسىپكەردىڭ سايتىندا.

رەسەي ونىڭ ءومىربايانىندا تەك جەلىلىك جانە تەلەكوممۋنيكاتسيالىق سوmptek قۇرىلعىسى بويىنشا عانا (ۆولوج ونى 1989-2000 جىلدار ارالىعىندا باسقارعان) اتالادى.

«ياندەكس» تۋراسىندا بىلاي دەلىنگەن.

«ۆولوج ەۋروپاداعى ەڭ ءىرى ينتەرنەت-كومپانيالاردىڭ ءبىرى NASDAQ تىزىمىندە تۇرعان Yandex N.V. نەگىزىن قالاۋشى بولدى. 2022 جىلدىڭ ماۋسىمىندا اركادي ۆولوج وسى قىزمەتتە 25 جىل جۇمىس ىستەگەن ياندەكس ن.ۆ. باس ديرەكتورى جانە ديرەكتورلار كەڭەسىنىڭ مۇشەسى قىزمەتىنەن كەتتى».

ۆولوج ءومىربايانىندا ياندەكستىڭ رەسەيمەن بايلانىسى تۋرالى ەشتەڭە جازىلماعان.

سونداي-اق ۋيكيپەدياداعى ۆولوج ءومىربايانىنىڭ اعىلشىن تىلىندەگى نۇسقاسىنان دا رەسەي فەدەراتسياسى تۋرالى ءسوزدى جويعىسى كەلەتىنى بايقالادى. ۆولوج تۋرالى ماقالاعا وزگەرتۋلەردى تەل-اۆيۆتە IP مەكەنجايى بار پايدالانۋشى جاسايدى، ول باسقا ماقالالاردى وڭدەمەيدى.