زاڭ جوباسى قابىلدانعان جاعدايدا، رەسەي ەۋروپا كەڭەسىنە اسكەري جانە توتەنشە جاعداي كەزىندە ادام قۇقىقتارىنىڭ ساقتالۋىنا قاتىستى حالىقارالىق كەلىسىمدەردەن اجىراۋ تۋرالى ەسكەرتۋگە مىندەتتى بولمايدى. بۇل تۋرالى تۋرالى "كوممەرسانت" حابارلادى.

بۇنىڭ الدىندا پۋتين زاڭ جوباسى دۋمادا قارالعان ۋاقىتتا سىرتقى ىستەر ءمينيسترىنىڭ ورىنباسارى الەكساندر گرۋشكو تالقىلاۋلارعا پرەزيدەنتتىڭ وكىلى رەتىندە قاتىساتىنىن ايتقان.

ايتا كەتەرلىك جايت، بىلتىر مامىردا رەسەي ۋكرايناعا باسىپ كىرۋىنە بايلانىستى ەۋروپا كەڭەسىنەن شىعارىلعان. سودان كەيىن رەسەي ەۋروپا كەڭەسىنىڭ بىرنەشە كونۆەنتسياسىنان، سونىڭ ىشىندە ادام قۇقىقتارى جونىندەگى شارتىنان شىققان.

رەسەي بيلىگى ۋكراينانىڭ ءتورت وبلىسىندا – دونەتسك، لۋگانسك، زاپوروجە جانە حەرسوندا اسكەري جاعداي جاريالاعان. بۇل وڭىرلەردە سوعىس ءجۇرىپ جاتىر. اسكەري جاعداي بىلتىر قازاندا جاريالانعان.

Abai.kz