ماليدە بۇۇ تۇراقتاندىرۋ بويىنشا كوپسالالى كەشەندىك ميسسياسىنىڭ (MINUSMA) كونۆويىنا بەلگىسىز بىرەۋلەر شابۋىل جاسادى. وقيعا سالدارىنان ءۇش بىتىمگەر زارداپ شەكتى. 

«بەر قالاسىنان شىققان كونۆويعا ەكى رەت شابۋىل جاسادى. زارداپ شەككەن ءۇش بىتىمگەر مەديتسينالىق كومەك كورسەتۋ ءۇشىن تيمبۋكتۋ قالاسىنا ەۆاكۋاتسيالاندى»، - دەلىنگەن ميسسيانىڭ 13 تامىزدا X (بۇعان دەيىن Twitter) الەۋمەتتىك جەلىسىندە جاريالانعان حابارلاماسىندا.

بۇعان دەيىن MINUSMA قاۋىپسىزدىككە بايلانىستى جاعدايدىڭ ناشارلاۋى سالدارىنان بىتىمگەرلەردى جىلدام الىپ شىعۋ تۋرالى حابارلاعان بولاتىن. مالي ۇكىمەتى 16 ماۋسىمدا بۇۇ قاۋىپسىزدىك كەڭەسىنە MINUSMA كۇشىن ەلدەن جىلدام شىعارۋ تۋرالى ءوتىنىش جاساعان بولاتىن. مالي سىرتقى ىستەر جانە حالىقارالىق ىنتىماقتاستىق ءمينيسترى ابدۋلايە ديوپ بۇۇ بىتىمگەرلەرى ەلدەگى قاۋىپسىزدىك قامتاماسىز ەتۋگە قاۋقارى جەتپەيتىنىن مالىمدەگەن بولاتىن. بۇۇ قاۋىپسىزدىك كەڭەسى 30 ماۋسىمدا MINUSMA مانداتىنىڭ ارەكەتىن توقتاتۋ تۋرالى ۇكىم شىعاردى.

بۇۇ بۇيرىعىنا ايكەس، بىتىمگەرلىك كونتينگەنتى ەلدەن 31 جەلتوقسانعا دەيىن شىعۋى ءتيىس.

فوتو:اشىق دەرەككوزدەن

Abai.kz