وسى جۇمىس اپتاسىنىڭ باسىنان اياعىنا دەيىن اقتاۋ جانە جاڭاوزەن قالالارىندا، سونداي-اق ماڭعىستاۋ وبلىسىنىڭ بىرقاتار ەلدى مەكەندەرىندە ەلەكتر ەنەرگياسىن ءىشىنارا ءتيىمدى شەكتەۋ رەجيمى ەنگىزىلەدى. بۇل تۋرالى ماڭعىستاۋ وبلىسى اكىمىنىڭ ءباسپاسوز قىزمەتىنەن ءمالىم ەتتى.

اپاتتى جاعدايداعى №3 ەنەرگيا بلوگىن قالپىنا كەلتىرۋگە بايلانىستى، سونداي-اق ماەك-تەگى جەس (تەس) №1 ەنەرگيا بلوگى جۇمىسىنىڭ ۋاقىتشا توقتاۋى سەبەپتى جۇرگىزىلىپ جاتقان جوندەۋ جۇمىستارىنىڭ اياسىندا ماڭعىستاۋ وبلىسىندا ەلەكتر ەنەرگياسىن تۇتىنۋعا ۋاقىتشا شەكتەۋ ەنگىزىلدى.

بۇگىن، 14 تامىزدا ماماندار جان-جاقتى جوسپاردى سارالاپ، ەلەكتر ەنەرگياسىن شەكتەۋ ۋاقىتىنىڭ كەستەسىن جاسادى.

قازىرگى تاڭدا كەستە 15 تامىز سەيسەنبىدەن باستاپ، 18 تامىز جۇماعا دەيىن جاسالعان.

ەگەر دە ەلەكتر ەنەرگياسىن كەستەمەن شەكتەۋ رەجيمى ودان ءارى ۇزارتىلاتىن بولسا، وبلىس تۇرعىندارىنا الدىن الا حابارلانادى.

Abai.kz