قىرعىزستاننىڭ نارىن وبلىسىنىڭ تۇرعىنى ۋكرايناداعى سوعىسقا قاتىسىپ كەلگەنى انىقتالىپ، قاماۋعا الىنعانى ءمالىم بولدى. بۇل جونىندە قىرعىزستاننىڭ ۇلتتىق قاۋىپسىزدىك كوميتەتى حابارلادى.

ول 1 تامىزدا ۇستالىپ، ءىسى سوتقا وتكەن.

اقپاراتقا قاراعاندا، ول رەسەيدە جۇمىس ىستەپ ءجۇرىپ، بىلتىر 22 اقپاندا قىلمىس جاساعانى ءۇشىن تۇرمەگە قامالعان، سول جەردەن "ۆاگنەر" جەكەمەنشىك كومپانياسى ارقىلى ۋكرايناعا بارعانىن ايتقان. ول قىرعىزستان زاڭىنا سايكەس، بوتەن ەلدىڭ سوعىسىنا قاتىسقانى ءۇشىن ون جىلعا دەيىن باس بوستاندىعىنان ايىرىلۋى مۇمكىن.

بۇل وقيعا تۋرالى ازاتتىق 14 تامىزدا جازعان.

ۋكرايناداعى سوعىسقا قاتىسقان نارىن تۇرعىنى تۋعان جەرىنە ورالعاننان كەيىن، ءۇش اپتادان سوڭ ۇستالعان.

بۇل قىرعىزستاندا رەسەي جاعىندا ۋكرايناداعى سوعىسقا قاتىسقانى ءۇشىن قامالعان ەكىنشى وقيعا.

Abai.kz