قاراعاندى وبلىسىنداعى «ارسەلورميتتال تەمىرتاۋ» اق كومىر دەپارتامەنتىنە قاراستى «قازاقستان» شاحتاسىندا ءورت شىقتى.

وقيعا ورنىنا وبلىس اكىمىنىڭ ءبىرىنشى ورىنباسارى ۆاديم باسين مەن شاحتينسك قالاسىنىڭ اكىمى مۇرات قىدىرعانبەكوۆ جەتتى. "كااقق" رو قىزمەتكەرلەرى جۇمىس ىستەپ جاتىر. قوسىمشا كومەك قولى جىبەرىلدى.

17 تامىزدا ساعات 10:05-تە "ارسەلورميتتال تەمىرتاۋ" اق كد "قازاقستان" شاحتاسىندا د6 (گوريزونت – 170 م) كومىر ەڭىسىنىڭ قازباسىندا كونۆەيەر تاسپاسىنىڭ ورتەنگەن، اپاتتى جويۋ جوسپارى ەنگىزىلدى. شاحتانى جەلدەتۋ جۇرگىزىلەدى (اۋا بەرۋ كەرى پوزيتسياعا اۋىستىرىلدى). ورىنعا "كااقق" رو 3 بولىمشەسى (15 قىزمەتكەر جانە 5 تەحنيكا) جانە تجد (8 قىزمەتكەر جانە 2 تەحنيكا) كەلدى. شاحتادا بارلىعى 227 ادام بولدى، شاحتانىڭ قاپتال ارقىلى ادامداردى جەر بەتىنە شىعارىپ جاتىر. قازىرگى ساتتە 65 ادام جەر بەتىنە شىعارىلدى. بۇل جەرگە قوسىمشا "كااقق" رشم (15 قىزمەتكەر جانە 3 تەحنيكا) جانە تجد (8 قىزمەتكەر جانە 2 تەحنيكا) كۇشتەرى كەلەدى، – دەلىنگەن جەدەل حابارلامادا.

فوتو: اشىق دەرەككوزدەن

Abai.kz