"مەن مۇندا 23 جىل بولعان جوقپىن. ال، سالەم، استانا!",- دەپ كورەرمەندەرىمەن امانداستى ءارتىس.

ءىس-شارا بارىسىندا، الماتىداعىداي استاناداعى كورەرمەن دە زەمفيرانىڭ ساياسي ۇستانىمىن قولداي وتىرىپ، "سوعىسقا جول جوق" دەپ ۇرانداي باستادى.

ەستەرىڭىزگە سالا كەتەيىك، زەمفيرا — بەلگىلى رەسەيلىك ءانشى. سوعىسقا اشىق قارسى شىققان جانە ۋكراينانى قولداعان رەسەيدىڭ ساناۋلى ارتىستەرىنىڭ ءبىرى. ول سوعىسقا قارسى "نە سترەليايتە" ءانىن شىعاردى.

ونىڭ تانىمال اندەرىن تمد جۇرتشىلىعى تەگىس بىلەدى. اسىرەسە، "حوچەش؟", "يسكالا", "سنەگ" اندەرىنىڭ شوقتىعى بيىك.

سوعىسقا قارسى ۇستانىمىنا بايلانىستى زەمفيرانىڭ اندەرى رەسەي فەدەراتسياسىنداعى راديوستانتسيالاردىڭ ەفيرىنەن الىنىپ تاستالدى، كەيىنىرەك ول "شەتەلدىك اگەنتتەر" تىزىمىنە ەنگىزىلدى.

باق-تىڭ حابارلاۋىنشا، ءانشى رەسەي فەدەراتسياسىنىڭ ادىلەت مينيسترلىگىنىڭ ۇستىنەن "ينواگەنت" مارتەبەسىن بەرۋدى زاڭسىز دەپ تانۋ جونىندە ارىزدانعان، بىراق سوت ونىڭ ارىزىن قاناعاتتاندىرمادى.

ەسكە سالايىق، 2022 جىلدىڭ 24 اقپانىنان باستاپ ۋكراينادا ۆلاديمير ءپۋتيننىڭ جارلىعىمەن رەسەي باستاعان تولىققاندى سوعىس ءجۇرىپ جاتىر.