18 تامىزدا Forbes اقش پرەزيدەنتى دجو بايدەننىڭ وزبەكستان پرەزيدەنتى شاۆكات ميرزياەۆكە جولداعان حاتىنىڭ ءماتىنىن جاريالادى.
وندا اقش پرەزيدەنتى وزبەك باسشىسىن قىركۇيەكتىڭ اياعىندا نيۋ-يوركتا بۇۇ-نىڭ باس اسسامبلەياسى سەسسياسىنىڭ اشىلۋى كەزىندە وتەتىن "ورتالىق ازيا- اقش" (س5+1) فورماتىنداعى ءبىرىنشى سامميتكە شاقىرعان.
حاتتا اقش پەن ورتالىق ازيا پرەزيدەنتتەرىنىڭ كەزدەسۋى 19- 20 قىركۇيەكتە بەلگىلەنگەنى ايتىلادى.
"مەن بۇۇ-نىڭ باس اسسامبلەياسىنىڭ سەسسياسىن تاعاتسىزدانا كۇتەمىن. وندا ءبىز حالىق ومىرىندەگى ەڭ ماڭىزدى ماسەلەلەر بويىنشا شەشىمدەرگە كەلەمىز. 19-20 قىركۇيەكتەگى “C5+1” فورماتىنداعى رەسمي كەزدەسۋدە ءسىز جانە ارىپتەستەرىمىزبەن بىرگە قاۋىپسىزدىك، ەكونوميكا جانە ەكولوگيا بويىنشا جالپى ماقساتتارعا جەتۋدى تالقىلايمىز دەپ ۇمىتتەنەمىن", - دەپ جازعان دجو بايدەن.
Abai.kz
