21 تامىز كۇنى كەشكە قىرعىزستان مەملەكەتتىك ۇلتتىق قاۋىپسىزدىك كوميتەتىنىڭ شەكارا قىزمەتى شەكارادا كولىكتەر توقتاپ تۇرعانىن حابارلاپ، ولاردىڭ سانى 370-كە جۋىق ەكەنىن ايتتى.
ۆەدومستۆونىڭ مالىمەتىنشە، 20 تامىزدا ساعات 9.00-دەن 18.00-گە دەيىن قازاقستان تارابى تەك ءۇش اۆتوكولىكتى وتكىزگەن. قىرعىزستان شەكارا قىزمەتىنىڭ وكىلدەرى قازاقستان شەكاراشىلارىمەن اۆتوكولىكتەردى باياۋ وتكىزۋ ماسەلەسىن انىقتاۋ ءۇشىن كەزدەسۋ وتكىزۋدى جوسپارلاپ وتىر.
قازاقستان قارجى مينيسترلىگىنىڭ ءباسپاسوز قىزمەتى ازاتتىققا كولىك كەپتەلىسىنىڭ سەبەبى كەدەن قىزمەتىندە ەمەس دەپ ايتتى. قازاقستان ۇقك شەكارا قىزمەتى بۇل وقيعاعا ءالى تۇسىنىكتەمە بەرمەدى.
شەكاراداعى جۇك تاسۋشى كولىكتەردىڭ كەپتىلىسى وسىعان دەيىن بىرنەشە رەت تىركەلگەن. سوڭعى رەت ۇلكەن كەزەك ماۋسىم ايىندا بولدى. قىرعىزستان شەكارا قىزمەتى كەزەك سەبەبىن اۋىل شارۋاشىلىعى ونىمدەرىنىڭ ەكسپورت سانى ۇلعايۋىمەن بايلانىستىردى.
