رەسەيلىك «دەلوۆوي پەتەربۋرگ» باسىلىمى وتكەن جىلى «ياندەكس. مەملەكەت مەنشىگىنە الىنۋ: سوڭعى IT-الپاۋىت مەملەكەت باقىلاۋىنا كوشتى» (ياندەكس.ناتسيوناليزاتسيا: پوسلەدني IT-گيگانت پەرەحوديت پود كونترول گوسۋدارستۆا) دەگەن ايدارمەن ساراپتاما ماتەريال شىعاردى.

وندا وسى IT-الپاۋىتتى قۇرۋشى ءام نەگىزىن سالۋشى قازاق جەرىندە دۇنيەگە كەلگەن اركادي يۋرەۆيچ ۆولوج كىندىك قانى تامعان ەلدى ەسكەرە وتىرىپ، ءوز بيزنەسىن رەسەيلىك جانە حالىقارالىق دەپ قاققا جارعاندىعى تارقاتىلىپ جازىلعان بولاتىن.

2023 جىلدىڭ 1 قىركۇيەگىنەن باستاپ، «ياندەكستىڭ» بارشا جوبالارىنا فەدەرالدى قاۋىپسىزدىك قىزمەتى شەكسىز باقىلاۋ ورناتاتىن بولادى.

قازاقستان رەسپۋبليكاسى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ء(تسدياوم) رەسەيلىك «ياندەكس» ينتەرنەت-الپاۋىتى قازاقستان اۋماعىنا ءوزىنىڭ بارشا سەرۆەرىن كوشىرەتىندىگىن جاريا ەتتى.

بۇعان كورشىمىز قالاي قارايدى، ءبىزدى بۇعاتتاپ تاستاماي ما، نە بولماسا، قۇزىرەتى كۇشتى ورىس بارلاۋى وتانداستارىمىزدىڭ جەكە مالىمەتتەرىن ءوز باقىلاۋىنا الا ما دەگەن قورقىنىش پەن ۇرەي وتاندىق باق جەلدەي ەستى. اتالعان كومپانيا بۇعان دەيىن ءوزىنىڭ «ياندەكس Go» سەرۆەرىن بىزدە ورنالاستىرعان بولاتىن.

بۇنداي قورقىنىشتى گۇرجىستان دا باستان كەشتى، ونداعى سەرۆيستەر گوللاندتىق Yandex N.V. كومپانياسىنىڭ باقىلاۋىندا جانە ەۋرووداقتىڭ جەكە تۇلعانىڭ مالىمەتتەرىنىڭ قاۋىپسىزدىگىن ساقتاۋ تالاپتارىنا تولىقتاي جاۋاپ بەرەدى دەپ گۇرجىلەردى ساباسىنا تۇسىرەرلىك جاۋاپ بەرىلدى.

Yango برەندىمەن فين نارىعىنداعى «ياندەكس Go» فينليانديا مەملەكەتىنىڭ دە باس اۋرۋىنا اينالدى. ەندى ەلىمىزگە كوشىپ كەلگەن «ياندەكستىڭ» جەرسىنۋ مەن جەرسىنبەۋى گوللاندتىق Ridetech International B.V. ورىس بارلاۋىن اينالىپ وتە بىلۋىنە بايلانىستى.

ەڭ باستىسى «ياندەكستىڭ» قازاقي سيپات الىپ، ءتول برەندىمىزگە قالاي اينالدىرۋ كەرەكتىگى ءتسدياوم قۇزىرىنداعى دۇنيە. «ياندەكستىڭ» رەسەيلىك جانە حالىقارالىق تەكەتىرەسىنەن بارماق تىستەي وپىق جەپ، زارداپ شەگىپ جۇرمەسەك بولدى.

Abai.kz