اكىمدىك شارۋالاردىڭ شىعىنىن جابۋ ءۇشىن ۇكىمەتتىڭ توتەنشە جاعداي رەزەرۆىنەن اقشا ءبولۋ ماسەلەسى قاراستىرىلىپ جاتقانىن ايتادى.

سۋارۋ سۋىنىڭ جەتىسپەۋى مەن ىستىقتىڭ سالدارىنان بيىل شارۋالار ونىمدەرىنىڭ 25-30 پايىزىن جوعالتۋى مۇمكىن. بيىل جامبىل وبلىسىنداعى بەس اۋداندا شارۋالارعا سۋ جەتپەي، ەگىستەرىنىڭ جارتىسى شىقپاي قالعان.

جامبىل وبلىسىندا شارۋالار پايدالاناتىن سۋدىڭ 80 پايىزى قىرعىزستاننان كەلەدى. قازاقستان بيلىگىنىڭ ايتۋىنشا، بيىل قىرعىزستاننان كەلەتىن سۋ 10 ەسەگە ازايعان. ال قىرعىزستان تامىزدا جامبىل وبلىسىنا سۋ جىبەرۋدى توقتاتقانى بەلگىلى بولدى.

سەبەبى قىرعىزستانداعى تالاس وزەنىندەگى كيروۆ سۋ قويماسىنداعى سۋدىق كولەمى بىلتىرمەن سالىستىرعاندا 144,8 ملن كۋب مەترگە ازايعان. بىلتىر بۇل كولەم 177,28 ملن كۋب مەتر بولعان ەدى.

Abai.kz