ەكس-پرەزيدەنتتىڭ تۋعان جيەنى ءارى ۇقك توراعاسىنىڭ بۇرىنعى ءبىرىنشى ورىنباسارى سامات ءابىش قازىر ەگەي تەڭىزىنىڭ جاعاسىندا الاڭسىز ءومىر ءسۇرىپ جاتىر، دەپ جازدى Dala Inside.

باسىلىمنىڭ جازۋىنشا، ابىشكە تۇركيادا تۇرۋعا رەجەپ تايىپ ەردوعان رۇقسات ەتكەن. سونداي-اق، ونىڭ تۇركيادان بولەك، ءباا-ندە بىرنەشە جىلجىمايتىن مۇلكى بار كورىنەدى.

سامات ءابىش 2015-تەن 2022 جىلعا دەيىن ۇلتتىق قاۋىپسىزدىك كوميتەتى توراعاسىنىڭ ءبىرىنشى ورىنباسارى قىزمەتىن اتقاردى.

ال قاڭتار وقيعاسىنان كەيىن قىزمەتىنەن بوساتىلعان. باس پروكۋرور بەرىك اسىلوۆ ونىڭ بۇل ىستە “كۋاگەر” رەتىندە عانا تەرگەلگەنىن حابارلاپ، تەرگەۋدەن سوڭ قايدا كەتكەنىن بىلمەيتىنىن ايتتى.

Abai.kz