مەملەكەتتىك رامىزدەر ماسەلەسىمەن اينالىساتىن رەسپۋبليكالىق كوميسسيانىڭ قۇرامى وزگەرۋى مۇمكىن.

اشىق نقا پورتالىندا جاريالانعان ۇكىمەت قاۋلىسىندا جازىلعانداي، مەملەكەتتىك رامىزدەر مەن ۆەدومستۆولىق جانە ولارعا تەڭەستىرىلگەن وزگە دە ناگرادالار گەرالديكاسى ماسەلەلەرى جونىندەگى رەسپۋبليكالىق كوميسسيانىڭ قۇرامىنا مىنا لاۋازىمداعى تۇلعالار قوسىلادى:

- «قازاق گازەتتەرى» جشس ديرەكتورى (كەلىسىم بويىنشا);

- «جاستار» عىلىمي-زەرتتەۋ ورتالىعى جشس ديرەكتورى (كەلىسىم بويىنشا);

- مادەنيەت جانە سپورت مينيسترلىگى مۇراعات، قۇجاتتاما جانە كىتاپ ءىسى كوميتەتىنىڭ «گەرالديكالىق زەرتتەۋلەر ورتالىعى» رەسپۋبليكالىق مەملەكەتتىك مەكەمەسىنىڭ ديرەكتورى (كەلىسىم بويىنشا);

- «جاس سارباز» بالالار-جاسوسپىرىمدەر اسكەري-پاتريوتتىق قوزعالىسى رەسپۋبليكالىق قوعامدىق بىرلەستىگىنىڭ توراعاسى (كەلىسىم بويىنشا);

- سارىم ايدوس ءامىروللاۇلى – قر پارلامەنتى ءماجىلىسىنىڭ دەپۋتاتى (كەلىسىم بويىنشا);

- بەيسەنباەۆ ەلنۇر سابىرجانۇلى – قر پارلامەنتى ءماجىلىسىنىڭ دەپۋتاتى (كەلىسىم بويىنشا);

- سىدىقنازاروۆ مۇحيت-ارداگەر قارجاۋبايۇلى - ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ جانىنداعى زاماناۋي زەرتتەۋلەر ينستيتۋتىنىڭ ديرەكتورى (كەلىسىم بويىنشا);

- راۋان كەنجەحانۇلى – «قازاق ءتىلى» قوعامدىق بىرلەستىگىنىڭ پرەزيدەنتى (كەلىسىم بويىنشا).

ال سۋرەتشى مەڭدىباي الين مەن فيلوسوف عاريفوللا ەسىم كوميسسيا قۇرامىنان شىعارىلادى.

ءتيىستى جارلىق جوباسى 11 قىركۇيەككە دەيىن كوپشىلىك تالقىلاۋدا بولادى. كەيىن مەملەكەت باسشىسىنىڭ قاراۋىنا ەنگىزىلەدى.

فوتو: اشىق دەرەككوزدەن

Abai.kz