وrtcom.kz سايتى قازاقستانعا پراگادان 40 باس پرجەۆالسكي جىلقىسى اكەلىنبەك دەگەن جاڭالىقتى جۇرتقا جايدى.

وسى ماسەلەگە قاتىستى چەحيا رەسپۋبليكاسىنىڭ پراگا قالاسىندا پرجەۆالسكي جىلقىسىن قازاقستانعا جەرسىندىرۋ جوباسىن جوسپارلاۋ بويىنشا حالىقارالىق سەمينار بولىپ ءوتىپ، وندا قۇلانداردىڭ ءبىرىنشى توبىن 2024 جىلى ەلىمىزگە تاسىمالداۋدىڭ ەگجەي-تەگجەيلى جوسپارى تالقىعا ءتۇستى.

ءبىزدىڭ ءدال قازىر پرجەۆالسكي جىلقىسى دەپ جۇرگەنىمىز – قۇلان، ال، بارساكەلمەستەگى «قۇلاندار» ول – دومباي. ەلىمىز تاۋەلسىزدىك العاننان كەيىن لەكسيكا سالاسىن زەرتتەۋشى عالىمدارىمىز وسى ماسەلەنى قايتا-قايتا كوتەرىپ، اقىرى اۋىزدارى اۋىرىپ، جازۋدان قولدارى تالىپ، قۇلاننىڭ اتىن زاڭسىز يەلەنگەن پرجەۆالسكي اتىنا ەش وزگەرىس ەنگىزە المادى.

قۇلان ورالدى، اعايىن! بۇعان تاۋبە دەيىك!

Abai.kz