ۇكىمەت كۋلۋارىندا ەنەرگەتيكا ءمينيسترى الماسادام ساتقاليەۆ جىلىتۋ ماۋسىمىنا دايىندىقتى كەستەدەن كەشىكتىرگەن قالالاردى اتادى. 

«بىرنەشە پروبلەمالىق ءوڭىر بار. ءبىرىنشى كەزەكتە بۇل – ريددەر. شاحتينسكىنى دە قاراپ وتىرمىز. كەنتاۋدا دا ازداعان كەستەدەن كەشىگۋ بار»، - دەدى مينيستر.

ونىڭ سوزىنشە، قازىر جىلۋ جۇيەسىندە پروبلەماسى بارا قالالاردىڭ بارىندە ءجىتى باقىلاۋ ورناتىلعان.

«ءبىز مينيسترلىك دەڭگەيىندە ءتيىستى ماجىلىستەر وتكىزدىك. مەملەكەتتىك ەنەرگەتيكالىق قاداعالاۋ ورگانىنىڭ وكىلدەرىن جىبەردىك. تاۋلىكتىك باقىلاۋ جۇرگىزىپ، بەينەمونيتورينگ جاساپ جاتىرمىز. دەگەنمەن بەلگىلى ءبىر ديناميكا بار. ول جاقتاردا احۋال جاقسارىپ كەلەدى»، - دەدى الماسادام ساتقاليەۆ.

فوتو: اشىق دەرەككوزدەن

Abai.kz