قىرعىزدار «تيكتوكقا» تىيىم سالماق
قىرعىزستاننىڭ مادەنيەت مينيسترلىگى ەل اۋماعىندا تيكتوكتى بۇعاتتاۋ تۋرالى شەشىم قابىلدادى، دەپ حابارلايدى Ulysmedia.kz.
24kg مالىمەتىنشە، شەشىم ودان ءارى جۇزەگە اسىرۋ ءۇشىن تسيفرلىق دامۋ مينيسترلىگىنە جىبەرىلگەن.
«مادەنيەت مينيسترلىگىنە بىرقاتار ۇكىمەتتىك ەمەس ۇيىمداردان بالالاردىڭ پسيحيكالىق دامۋى مەن دەنساۋلىعىنا كەرى اسەرىن تيگىزەتىن TikTok الەۋمەتتىك جەلىسىنىڭ زياندى اسەرى تۋرالى ءجيى شاعىمدار ءتۇستى. باعدارلاما قولدانۋشىنى قىسقا كليپتەردىڭ ۆيرتۋالدى الەمىنە باتىراتىنى، ولاردى كورگەننەن كەيىن جاسوسپىرىمدەر كەيبىر بەينەلەردى قايتالاۋعا تىرىساتىنى، ولاردىڭ كەيبىرىنىڭ ومىرىنە قاۋىپ تونەتىنى اتاپ وتىلگەن»، - دەپ جازدى مينيسترلىك مالىمدەمەسىندە.
سونىمەن قاتار، بالالاردىڭ پسيحيكاسى ءالى دە تۇراقسىز، ول ەندى عانا قالىپتاسىپ كەلەدى جانە مۇنداي مازمۇن تاۋەلدىلىك تۋدىرىپ، جاس ۇرپاقتىڭ ەموتسيونالدىق جاعدايىنا كەرى اسەر ەتەتىنى ايتىلعان.
كوپتەگەن وتىنىشتەردى ەسكەرە وتىرىپ جانە جۇرگىزىلگەن مونيتورينگ نەگىزىندە مادەنيەت، اقپارات، سپورت جانە جاستار ساياساتى مينيسترلىگى قىرعىز رەسپۋبليكاسىنىڭ اۋماعىندا TikTok قىزمەتىن تاراتۋ قىزمەتىن توقتاتۋ تۋرالى شەشىم قابىلدادى.
