تامىزدىڭ 26-سى كۇنى باس حاتشى شي جينپيڭ وڭتۇستىك افريكاداعى بريكس ءسامميتى ساپارىنان ەلگە ورالعان جولىندا ارنايى ۇرىمجىگە توقتاپ، سۋار پارتيا كوميتەتى، ۇكىمەتى جانە شىڭجاڭ وندىرىستىك ديۆيزيا كورپۋسىنىڭ ەسەبىن تىڭداپ، جينالعان باسشىلارعا «ماڭىزدى نۇسقاۋ» بەرىپتى.  

No comment

«ءبىز ۇزاق مەرزىمدى تۇراقتىلىققا باسا نازار اۋدارىپ، زاڭ ۇستەمدىلىگىن قاتان قاداعالاپ، ونى قارۋ رەتىندە ءتيىمدى پايدالانۋىمىز كەرەك!

جاسىرىن جاتقان قاۋىپ-قاتەردەن ساقتانۋ ساناسىن كۇشەيتىپ، ساقتىقتا قور جوق، وڭايشىلىقپەن كەلمەگەن تۇراقتىلىقتى ساقتاپ قالامىز!

ەكىنشى، جوڭحۋا (قىتاي) ۇلتىنىڭ ورتاق ساناسىن قالىپتاستىرۋ – پارتيانىڭ جاڭا داۋىردەگى ەتنيكالىق جۇمىسىنىڭ نەگىزىن قالايدى!

ءۇشىنشى، مەيلى قانداي زاڭ ەرەجەلەرىن قابىلداساڭىزدار دا نەمەسە ساياسي شارالاردى ىسكە قوسساڭىزدار دا، جوڭحۋا ۇلتىنىڭ بىرەگەيلىگىن نىعايتۋعا، سونداي-اق، اتالعان ۇلتتىڭ قاۋىمداستىق سەزىمىن ارتتىرۋعا ىقپال ەتۋگە باعىتالسىن! سوڭدىقتان دا ۇلتتىق ورتاق تىلدىك ساياساتتى – قىتاي ءتىلىن ۇيرەتۋدى – تىنباي جالعاستىرۋدى توقتاتپاعان ءجون!

ءتورتىنشى، جوڭحۋا (ەتنيكالىق قىتاي - رەد) وركەنيەتى – شىڭجاڭداعى بارلىق ەتنيكالىق مادەنيەتىنىڭ نەگىزىن قۇرايدى! جوڭحۋا حالقىنىڭ ۇلى بىرلىگىن نىعايتۋ ءۇشىن ۇزاق مەرزىمدىلىك جوسپار جاساپ، مادەني بىرەگەيلىگىمىزدى جالعاستى نىعايتۋدان شارشاماڭىزدار!

بەسىنشىدەن، جەرگىلىكتى كادرلاردى دايارلاۋ ءۇشىن اۋىل جۇمىس توپتارىن جەرگىلىكتى جەرلەرگە جىبەرۋ، جاڭا داۋىردە «فەنتسياو تاجىريبەسىن» تاباندىلىقپەن دامىتىپ، جاڭا تالاپتارعا جاۋاپ بەرۋگە دايىن بولۋلىڭىزدار! ول ءۇشىن كۇشتى كادرلار كومانداسىن، قاتاڭ باستاۋىش ۇيىمدىق جۇيەنى جانە ءتيىمدى بۇقارالىق جۇمىس مەحانيزمىن قۇرۋ – ءىستىڭ ناقتىلى اسىرۋىنىڭ كورىنىسى».

(29.08.2023 09:06 قىتايدىڭ ۇيىمدىق ءھام كادرلىق جاڭالىقتارى سايتىنان).

ءتۇيىن: توقسان اۋىز ءسوزدىڭ توبىقتاي ءتۇيىنى مىناۋ: بۇل وسى كۇنگە دەيىن ۇيعىر مەن قازاقتارعا قولدانعان قاتاڭ ساياساتتان قايتۋدىڭ ورنىنا، رەپرەسسيالىق ساياساتتى «زاڭ ەرەجەلەرىمەن» تولىقتىرا ءتۇسۋ. شي توراعا وسى جولى ەتنوستاردى قورقىتۋ مەن ۇركىتۋ شارالارىمەن بىرگە، ولاردى قىتاي ۇلتىنا اسسيميلياتسيالاۋ ءۇردىسىن تەڭ الىپ ءجۇرۋدى باسا ايتىپتى. ول ءۇشىن قىتاي ءتىلى جانە مادەنيەتىنىڭ ۇستەمدىلىگىن مەكتەپتىڭ تابالدىرىعىنان باستاپ وقىتۋ، مەكتەپ تابالدىرىعىن اتتاپ شىققان ۇيعىر مەن قازاق تۇلەكتەرىن ىشكى قىتايعا جوعارعى وقۋ ورىندارىنا تەگىن وقۋعا جىبەرىپ، ولاردى وقۋىن تامامداعاننان سوڭ سول جاقتا جۇمىسقا الىپ قالۋ، ىشكى قىتايدان شينجاڭعا قاراي اعىلاتىن ەتنوس قىتايلاردىڭ سانىن مولايتىپ، ۇيعىر شوعىرلانعان وڭتۇستىك شينجاڭعا قىتاي ۇلتىن نەگىز ەتكەن «جاس كادرلار» توبىن توقتاۋسىز جىبەرىپ، اتالعان حالىقتىڭ ۇيلەرىنە ورنالاسىپ، ولارمەن بىرگە ءومىردىڭ ىستىعى مەن شىجىعىن كورۋ ت.ب. شارالارىنان قۇرالعان قىتايلاندىرۋ ناۋقانىن اشىق تۇردە جۇرگىزۋدى شي تومەندەگىلەرگە تاپسىردى.

ال، «ساقتىقتا قور جوق» دەگەنى «قازاقستانمەن دوس بولسان ايبالتان جانىندا بولسىن!» دەگەنى. وسى جىلدىڭ مىمىر ايىندا سيان قالاسىندا قازاقستانمەن قويىلعان قولدىڭ سياسى ءتىپتى، كەپپەي جاتىپ، قاسىم جومارت كەمەلۇلى تالىپتەردى قوناققا شاقىرا قالىپتى. ونىمەن توقتاپ قالماي، قازاقستاننىڭ پرەزيدەنتى ەندى، جو بايدەننىڭ ۆاشينگتوندا جاياتىن داستارحانىڭ تورىنە بارىپ، جايعاسۋعا دايىندالىپ جاتىپتى. بۇنى شي جينپيڭ ساتقىندىققا تەڭەپ، قاتتى قاۋىپتەنەدى. سەبەبى رەسەيدىڭ قۇلدىراۋىمەن ورتا ازيادا ۆاكۋم پايدا بولا باستاعانىن ناتو شەبەرلىكپەن پايدالانىپ كەتۋى مۇمكىن دەپ قاۋىپتەنەدى.

ونداي بولسا قازاقتارعا «ۆيزاسىز رەجيم» نە كەرەك؟!

Abai.kz