سيرياداعى سوعىس: ءتورت قارۋىن سايلاپ وتىرعاندار ىشىمىزدە ءالى دە بار
قر ۇكىمەتىنىڭ،
ۇقك-ءنىڭ،
ءدىني ىستەر اگەنتتىگىنىڭ،
قمدب-نىڭ نازارىنا جانە تۇتاس حالىققا!
«وزدەرىڭىزگە بەلگىلى ءبىزدىڭ ەلدەن سيرياداعى سوعىسقا 40 بالا «جيحاد» دەپ اتتاندى. ونداعى مۇسىلمان باۋىرلاعا كومەك قولىن سوزامىز دەپ ءتورت قارۋىن سايلاپ وتىرعاندار ىشىمىزدە ءالى دە بار. وسىعان نە ايتاسىزدار؟» استارىندا ءبىر سۇمدىق ەمەس، مىڭ سۇمدىق بۇعىپ جاتقان بۇل ساۋال ءدىن ىستەرى اگەنتتىگى مەن قاراعاندى وبلىسى اكىمدىگى بىرلەسە ۇيىمداستىرعان «تاكفىرشىلىك – ءدىني ەكسترەميزمنىڭ قاۋىپتى تۇرلەرىنىڭ ءبىرى» اتتى رەسپۋبليكالىق عىلىمي – تاجىريبەلىك كونفەرەنتسياعا قاتىسۋشىلارعا جەرگىلىكتى مەشىتتەردىڭ بىرىندە قويىلعان (http://old.abai.kz/content/mykan-isakhan-siriyadagy-sogyska-40-bala-zhikhad-dep-attanypty). بۇعان ۇلتتىق قاۋىپسىزدىك كوميتەتىنىڭ توراعاسى ن.ابىقاەۆتىڭ اۋعانستان مەن پاكىستاننىڭ شەكارا ايماعىنداعى ۆازيريستان وڭىرىندە قازاقتىڭ جۇزگە تارتا بالاسىنىڭ راديكالدى توپتاردىڭ قاراماعىندا اسكەري دايىندىقتان ءوتىپ جاتقانىن ءمالىم ەتكەنىن قوسىڭىز! ەندى مىنە، ينتەرنەت ارقىلى قازاقشا قازاقتاردى سيرياداعى سوعىسقا شاقىرىپ، ۇرانداپ جاتىر.
قر ۇكىمەتىنىڭ،
ۇقك-ءنىڭ،
ءدىني ىستەر اگەنتتىگىنىڭ،
قمدب-نىڭ نازارىنا جانە تۇتاس حالىققا!
«وزدەرىڭىزگە بەلگىلى ءبىزدىڭ ەلدەن سيرياداعى سوعىسقا 40 بالا «جيحاد» دەپ اتتاندى. ونداعى مۇسىلمان باۋىرلاعا كومەك قولىن سوزامىز دەپ ءتورت قارۋىن سايلاپ وتىرعاندار ىشىمىزدە ءالى دە بار. وسىعان نە ايتاسىزدار؟» استارىندا ءبىر سۇمدىق ەمەس، مىڭ سۇمدىق بۇعىپ جاتقان بۇل ساۋال ءدىن ىستەرى اگەنتتىگى مەن قاراعاندى وبلىسى اكىمدىگى بىرلەسە ۇيىمداستىرعان «تاكفىرشىلىك – ءدىني ەكسترەميزمنىڭ قاۋىپتى تۇرلەرىنىڭ ءبىرى» اتتى رەسپۋبليكالىق عىلىمي – تاجىريبەلىك كونفەرەنتسياعا قاتىسۋشىلارعا جەرگىلىكتى مەشىتتەردىڭ بىرىندە قويىلعان (http://old.abai.kz/content/mykan-isakhan-siriyadagy-sogyska-40-bala-zhikhad-dep-attanypty). بۇعان ۇلتتىق قاۋىپسىزدىك كوميتەتىنىڭ توراعاسى ن.ابىقاەۆتىڭ اۋعانستان مەن پاكىستاننىڭ شەكارا ايماعىنداعى ۆازيريستان وڭىرىندە قازاقتىڭ جۇزگە تارتا بالاسىنىڭ راديكالدى توپتاردىڭ قاراماعىندا اسكەري دايىندىقتان ءوتىپ جاتقانىن ءمالىم ەتكەنىن قوسىڭىز! ەندى مىنە، ينتەرنەت ارقىلى قازاقشا قازاقتاردى سيرياداعى سوعىسقا شاقىرىپ، ۇرانداپ جاتىر.
البەتتە، ارنايى ورگاندار قول قۋسىرىپ قاراپ وتىرماسا ەكەن. الايدا، كۇن ساناپ ەتەك الىپ، ەلدى ۇرەي قۇشاعىنا قۋسىرىپ كەلە جاتقان تەرىس اعىمداردىڭ تاقىمىندا كەتكەن ازاماتتاردىڭ ارەكەتى بيلىكتى مىقتاپ ويلانتىپ قانا قويماي، ناقتى ءارى جۇيەلى ءىس-ارەكەتكە دەرەۋ كوشۋ كەرەكتىگىن كورسەتىپ وتىر. «اۋرۋىن جاسىرعان ولەدى». ەگەر ءبىز ءدىني تاتۋلىق پەن ءبىر كۇنگى تىنىشتىق ءۇشىن كوز الدىمىزدا ءوڭى وزگەرىپ، اتا-اناسىنان، ۇلتىنان ونىڭ قۇندىلىقتارىنان باس تارتىپ، قارۋلانىپ شەتەل اسىپ قويماي سوڭىنا «سيرياداعى سوعىس اتتانىڭدار!» دەپ ۇران سالىپ جۇرگەن ازاماتتاردى قۇتقارماساق، ولاردىڭ كوزقاراسى مەن ۇستانعان باعىتىن تۇبەگەيلى وزگەرتۋگە مەملەكەتتىڭ بار كۇشىن جۇمىلدىرماساق، ىشتەن قازىلعان ورعا قۇلاۋىمىز بەك مۇمكىن.
سوندىقتان، ۇكىمەت، ۇقك، ءدىني ىستەر اگەنتتىگى، قمدب بىرلەسىپ ارنايى جۇمىس جۇيەسىن جاساپ ىسكە اسىرىپ، قوعامدىق قوزعالىستار مەن ۇيىمدار، جالپى حالىق بولىپ تەرىس اعىم جولىنداعىلاردى جونگە سالۋعا بار كۇشىمىزدى سالۋىمىز شارت!
http://www.ridus.ru/news/97481/
http://tengrinews.kz/crime/boevik-prizval-k-djihadu-v-sirii-na-kazahskom-yazyike-238086/
http://old.abai.kz/content/mykan-isakhan-siriyadagy-sogyska-40-bala-zhikhad-dep-attanypty
