"رەسەي مەن قازاقستاننىڭ شەكاراسى دەليميتاتسيالانىپ، نەگىزىنەن دەماركاتسيالانعان. ەكى ەلدىڭ پارلامەنتتەرى تارابىنان بەكتىلىپ، راتيفيكاتسيالانعان. سوندىقتان رەسەيدىڭ اۋماقتىق تالابى بويىنشا بىزدە ەشقانداي قاۋىپ جوق", - دەدى توقاەۆ.
توقاەۆ سونىمەن بىرگە استانا باتىستىڭ رەسەيگە قارسى سانكتسيالارىن ورىندايدى دەدى.
"قازاقستان باتىستىڭ رەسەيگە قارسى سانكتسيالارىن ساقتايدى. ءبىز سانكتسيالىق رەجيمدى ساقتاۋ ءۇشىن بارلىق ءتيىستى ۇيىمدارمەن بايلانىستامىز", - دەدى توقاەۆ بەرليندە گەرمانيا كانتسلەرى ولاف شولتسپەن كەزدەسۋدەن كەيىنگى ءباسپاسوز ءماسليحاتىندا.
قازاقستان مەن رەسەي دەليميتاتسيالاۋ كەلىسىمىنە 2005 جىلى قول قويعان. بىراق ءىس جۇزىندە شەكارانى تولىق بەكىتۋ ءالى اياقتالماعان. 2021 جىلى اتىراۋ وبلىسىنىڭ كوپتوعاي اۋىلىندا جەرگىلىكتى تۇرعىندار شەكارا باعاندارىن ورناتۋعا قارسىلىق بىلدىرگەن. ولار بۇل سۋ الۋعا كەدەرگى بولاتىنىن ايتقان. قازاقستاننىڭ شەكارا قىزمەتى ەشكىمگە جەر بەرىلمەگەنىن، وزەنگە باراتىن جول ساقتالاتىنىن مالىمدەگەن.
2023 جىلدىڭ اقپان ايىندا قازاقستاننىڭ شەكارا قىزمەتى ەلدىڭ شىعىسىنداعى 300 شاقىرىم جەردە رەسەيمەن شەكارا سىزىعىنا ءالى باعان ورناتىلماعانىن ايتقان.
رەسەيلىك ساياساتكەرلەر وقتىن-وقتىن قازاقستانعا اۋماقتىق تالاپ قويىپ كەلەدى. اسىرەسە، ۋكراينادا سوعىس باستالعاننان كەيىن بىرقاتار رەسەيلىك ساياساتكەرلەر قازاقستان جەرىنە كوز تىگىپ وتىردى. بۇل قازاقستاننىڭ اۋماقتىق تۇتاستىعىنا قول سالۋ قاۋىپى رەتىندە باعالانىپ كەلەدى.
