مەن، مۇرات اقاتايۇلى – قىتاي حالىق رەسپۋبليكاسىنىڭ، شىڭجاڭ ولكەسى، التاي ايماعىنىڭ التاي قالالىق 3-ءشى ورتا مەكتەبىندە دەنە تاربيە وقىتۋشىسى بولىپ جۇمىس اتقارامىن. قىتايدا، حالىقارالىق قىسقى سپورت ءتۇرىنىڭ جەتى تۇرىنەن (تىكتەن يرەك سالىپ ءتۇسۋ، تاۋشاڭعىمەن ۇزاققا جۇگىرۋ، كونكي تەبۋ، ۇزاققا جۇگىرۋ، ات شانا ايداۋ، بايىرعى قازاقى شاڭعىمەن ۇزاققا سىرعاناۋ، بايىرعى قازاقى ساداق اتۋ) ۇلاسپالى ەرەكشە گيننەس رەكورتىن جاڭارتقان كاسىبي ماماندىق اتاعىم بار.

بۇكىل عۇمىرىمدى سپورتىقا ارناپ كەلەمىن. 2010 جىلى تۇڭعىش رەت اتا-جۇرتىم قازاق ەلىنە كەلىپ، سپورت سالاسىنداعى بىرقانشا ەل اعالارىمەن جۇزدەسىپ، كوڭىل تولارلىقتاي قولداۋ الىپ قايتتىم، ال بىيىل 2013 جىلى تامىز ايىندا ەكىنشى رەت ۇلت نامىسىن ارقالاپ تاعى دا ات باسىن اتا-جۇرتقا بۇردىم. ءۇمىت پەن ارمان تىلەكتەرىمدى دە الا كەلدىم.

قۇرمەتتى ەل اعالارى! تومەندە سىزدەرگە قويار تالاپتارىم:

مەن، مۇرات اقاتايۇلى – قىتاي حالىق رەسپۋبليكاسىنىڭ، شىڭجاڭ ولكەسى، التاي ايماعىنىڭ التاي قالالىق 3-ءشى ورتا مەكتەبىندە دەنە تاربيە وقىتۋشىسى بولىپ جۇمىس اتقارامىن. قىتايدا، حالىقارالىق قىسقى سپورت ءتۇرىنىڭ جەتى تۇرىنەن (تىكتەن يرەك سالىپ ءتۇسۋ، تاۋشاڭعىمەن ۇزاققا جۇگىرۋ، كونكي تەبۋ، ۇزاققا جۇگىرۋ، ات شانا ايداۋ، بايىرعى قازاقى شاڭعىمەن ۇزاققا سىرعاناۋ، بايىرعى قازاقى ساداق اتۋ) ۇلاسپالى ەرەكشە گيننەس رەكورتىن جاڭارتقان كاسىبي ماماندىق اتاعىم بار.

بۇكىل عۇمىرىمدى سپورتىقا ارناپ كەلەمىن. 2010 جىلى تۇڭعىش رەت اتا-جۇرتىم قازاق ەلىنە كەلىپ، سپورت سالاسىنداعى بىرقانشا ەل اعالارىمەن جۇزدەسىپ، كوڭىل تولارلىقتاي قولداۋ الىپ قايتتىم، ال بىيىل 2013 جىلى تامىز ايىندا ەكىنشى رەت ۇلت نامىسىن ارقالاپ تاعى دا ات باسىن اتا-جۇرتقا بۇردىم. ءۇمىت پەن ارمان تىلەكتەرىمدى دە الا كەلدىم.

قۇرمەتتى ەل اعالارى! تومەندە سىزدەرگە قويار تالاپتارىم:

1. حالىقارالىق سپورت ماماندارىنىڭ، تاريحشىلاردىڭ، ارحالوگيا ماماندارىنىڭ ۇزىن ۋاقىتتىق ىزدەنىستەرىنىڭ ناتيجەسىندە – قىتايداعى، التاي تاۋ سىلەمى وڭىرىندە، شامامەن 10 مىڭ جىلدىڭ الدى-ارتىندا جىلقى تەرىسىنەن قاپتالعان قارشاڭعىنىڭ بارلىققا كەلگەندىگى انىقتالىدى. ءسويتىپ 2007 جىلى حالىقارالىق گيننەس باس شتابى جاعىنان «گيننەس ەڭدەرى» گۋاناماسى التاي قالاسىنا تابىس ەتىلدى. وسى قارشاڭعىنىڭ موڭعول، قازاق ۇلتتارىنىڭ قايسىسىنا تاۋەلدى ەكەندىگى جوعارىداعىداي كاسىبي مامانداردىڭ تاعى دا تىنباي زەرتتەۋىنىڭ ارقاسىندا شىڭجاڭ ولكەلىك ۇكىمەتى جاعىنان «قازاق ۇلتىنىڭ بايىرعى تاريحي مۇرالارى» قاتارىنا ەنگىزىلدى، ءسويتىپ جىلقى تەرىسىنەن قاپتالعان وسى بايىرعى قارشاڭعىمىزدى تىكەلەي ەنشىلەدىك. وسى قۋانىشتى حابارمەن كۇللى قازاق جۇرتىنان ءسۇيىنشى سۇراي كەلگەن جايىمدا – بار.
2. قىتاي، ءار جىلدىڭ قىسقى، سەنتيابر ايىنىڭ 16 كۇنىن، التاي قالاسىندا، وسى بايىرعى جىلقى تەرىسىنەن قاپتالعان قازاقى قارشاڭعى جارىسىن وتكىزۋ كۇنى ەتىپ بەلگىلەگەن. سونىمەن وسى مەزگىلدە جالپى بەتتىك بايىرعى قازاق شاڭعىسىنان دابىرالى جارىس ءوتىپ تۇرادى. ءارى مەكتەپتەردە دەنە تاربيە ساباعىنىڭ ءبىر مازمۇنى رەتىندە تىركەلگەن.
3. اتا-بابالارىمىزدىڭ بۇگىنگى ۇرپاقتارعا قالدىرعان قاسيەتتى قازىناسىن جوعالتىپ الماي، ۇلى تابيعات سىيلاعان سىيىن قادىرلەپ، ۇلت ساپاسىن كوتەرىپ، الەمدەگى وزىق ۇلتتارمەن تەڭ تۇرۋ ءۇشىن، قازاق ەلى قازاقتارى، قىتاي قازاقتارى، موڭعوليا قازاقتارىنىڭ بىرلەسكەن «دۇنيە قازاقتارىنىڭ بايىرعى قازاقى قارشاڭعى قوعامدىق قورىن» نەمەسە ۇيىمىن قۇرساق. بۇعان باس القا قازاق ەلى بولىپ ءبىز قوسىمشا قىزىمەت اتقارساق.
4. وسى قازاقى قارشاڭعىمىزدى، ءارى باسقا دا قارشىڭعى تۇرلەرىن، قىتاي، قازاق ەكى ەل ورتاسىندا جانە الەمدىك سپورتشىلارمەن بىرلەسە وتىرىپ، ءوزارا تاجىربيە الماستىرۋ، دامىتۋ، دوستىق جارىستارىن وتكىزىپ وتىرساق.
5. شىعىس قازاقستان وبلىسى، التاي تاۋ سىلەمىنىڭ جالعاسى بولىپ، وسى وڭىردە، قازاقتىڭ بايىرعى قارشاڭعىسىن دامىتۋ پروگرامماسىن قۇرىپ جانە باسقا دا تاۋشاڭعى الاڭدارىن اشۋعا لايىقتى ورىن دايارلاۋ جۇمىسىن قولعا الساڭىزدار. مەنىڭ ارناۋلى تاربيەلەپ جاتقان 20-دان اسا سپورتشى جەتكىنشەكتەرىم بار. ءار جىلعى جارىس ناتيجەلەرى قۋانتارلىقتاي. وكىمەت جاعىنان قارجىلاي كومەك جەتىسپەيدى، شاڭعى جاساۋ، رەمونتتاۋ، جاتتىعۋ جاقتارى قىرۋار قارجىنى قاجەت ەتەدى. سوندىقتان دا سىزدەرمەن سايكەسە وتىرىپ، وسى شىعىس قازاقستاننىڭ كاتونقاراعاي سياقتى تاۋلى وڭىرىنەن تاۋشاڭعى الاڭىن قۇرىپ، ونى ورتاق پايدالانۋعا مۇمكىندىك جاراتساڭىزدار، ءارى قىتايداعى سپورتقا اۋەستەنەتىن قازاق جاستارىن، قازاق ەلىنىڭ جوعارعى وقۋ ورىندارى مەن ءتۇرلى سپورت مەكتەپتەرىندە كاسىبي ءبىلىم الىپ تاربيەلەنۋىنە كومەكتەسسەڭىزدەر.
6. وسى بايىرعى قازاقى قارشاڭعىمىزدى الەم قازاقتارىنىڭ ورتاق مۇراسى رەتىندە قاراپ، ونى ەڭ الدىمەن قازاقتار تۇرعان مەملەكەتتەردە ۇگىتتەپ، جالپىلاستىرىپ، سوسىن الەمگە ايگىلەۋدى ماقسات تۇتقان ۇگىت-ناسيحات قىزمەتتەرىن الىپ بارساق.

قۇرمەتپەن:

قىتايدان – مۇرات اقاتايۇلى

18.08.2013 جىل

Abai.kz