وزبەكستان پرەزيدەنتى شاۆكات ميرزيوەۆ گازا سەكتورى تۇرعىندارىنا كومەك رەتىندە 1 ميلليون 500 مىڭ دوللار كومەك بەرەتىنىن حابارلادى. بۇل تۋرالى ول 31 قازاندا سۋ ەنەرگەتيكاسى جوبالارىنا ارنالعان جينالىستا ايتتى.

وزبەكستان پرەزيدەنتى ءباسپاسوز قىزمەتىنىڭ مالىمەتىنشە، قاراجات بۇۇ-نىڭ تاياۋ شىعىستاعى اگەنتتىگىنە اۋدارىلادى.

ميرزيوەۆتىڭ مالىمدەۋىنشە، وزبەكستان «پالەستينا حالقىن جانە ونىڭ تاۋەلسىز مەملەكەت قۇرۋ قۇقىعىن قولدايدى».

بۇعان قوسا، وزبەك پرەزيدەنتى جانجالداسۋشى ەكى تاراپتان قازا بولعانداردىڭ وتباسىلارىنا كوڭىل ايتىپ، وزبەك جاستارىن «ءتۇرلى جالعان ناسيحاتقا ەرىپ، زاڭسىز ارەكەتكە بارماۋعا» شاقىردى.

ميرزيوەۆ 7 قازاندا تاياۋ شىعىستا ورشىگەن جانجالعا قاتىستى العاش رەت مالىمدەمە جاساپ وتىر.

فوتو: اشىق دەرەككوزدەن

Abai.kz