ءدالىز قۇرۋ جونىندە كەلىسىمگە تاشكەنتتە وتكەن شانحاي ىنتىماقتاستىق ۇيىمىنا مۇشە ەلدەردىڭ كولىك فورۋمى ناتيجەسىندە قول قويىلعان.

اقپاراتقا قاراعاندا، ءۇش ەلدىڭ وكىلدەرى "رەسەي — كاسپي تەڭىزى — تۇركىمەنستان — وزبەكستان — قىرعىزستان" حالىقارالىق مۋلتيمودالدىق ءدالىزىن قۇرۋ جانە دامىتۋ بويىنشا ءوزارا تۇسىنىستىك تۋرالى مەموراندۋمعا قول قويعان.

كولىك ءدالىزىنىڭ قۇرىلۋىنا قازاقستان شەكاراسى ارقىلى جۇك وتكىزۋ كەزىندەگى قيىندىقتارعا ءجيى شاعىمدانىپ جۇرگەن قىرعىزستان مۇددەلى. بىشكەك شەكارادا كەدەرگىلەردى قازاقستان جاعىنىڭ ءوزى قولدان جاسايدى دەپ سانايدى. ولاردىڭ ايتۋىنشا، شەكاراداعى ۇزىن-سونار كەزەك قىرعىزستان ساۋداگەرلەرىن كوپ شىعىنعا ۇشىراتىپ جاتىر.

"وڭتۇستىك ءدالىز" دەپ اتالاتىن جاڭا باعىت قىرعىزستان، وزبەكستان، تۇركىمەنستان مەن كاسپي تەڭىزى ارقىلى ەۋروپا مەن رەسەيگە شىعۋعا مۇمكىندىك بەرەدى. بۇل تۇستا تۇركىمەنستانداعى "تۇركىمەنباشى" تەڭىز پورتىنىڭ ماڭىزى ارتادى. سول ارقىلى تاۋارلار ازەربايجان، گرۋزيا، تۇركيا ونان ءارى قاراي ەۋروپاعا جول ارتادى. رەسەي بويىنشا، ماحاچكالا جانە استراحان قالالارى بالاما بولا الادى.

فوتو: اشىق دەرەككوزدەن

Abai.kz