اقتوبە وبلىسىندا جازعى لاگەرلەردىڭ، ينتەرناتتىق مەكەمەلەردىڭ، سونداي-اق ءوڭىردىڭ مەديتسينالىق-الەۋمەتتىك مەكەمەلەردىڭ قىزمەتىنە جۇرگىزىلگەن تەكسەرۋلەردىڭ قورىتىندىسى جاريالاندى، دەپ حابارلايدى Ulysmedia.kz.

وبلىستىق پروكۋراتۋرا مالىمەتىنشە، سانيتاريالىق-ەپيدەميولوگيالىق، ءورت، مەديتسينالىق قاۋىپسىزدىك، جەر، ساۋلەت-قۇرىلىس، سونداي-اق بيۋدجەت زاڭناماسى سالاسىنداعى 450-دەن استام زاڭ بۇزۋشىلىق انىقتالدى.

"120 تۇلعا جاۋاپقا تارتىلدى، ولاردىڭ ىشىندە 25 لاۋازىمدى تۇلعا تارتىپتىك جاۋاپقا، مەملەكەتتىك قىزمەتكە بەدەلىن تۇسىرەتىن نەگىزدەر بويىنشا 3 قىزمەتكەر، اكىمشىلىك جاۋاپقا 95-ءى تارتىلدى. 13,5 ملن تەڭگەنىڭ مەملەكەتتىك ساتىپ الۋ تۋرالى كەلىسىمدەرى بۇزىلدى", - دەلىنگەن حابارلامادا.

تەكسەرۋ قورىتىندىسى بويىنشا ۋاكىلەتتى ورگاندارعا زاڭ بۇزۋشىلىقتاردىڭ الدىن الۋ تۋرالى ناقتى تاپسىرمالار بەرىلدى.

ايتا كەتەيىك، شىلدەدە الماتى ماڭىنداعى لاگەرگە جىبەرىلگەن وقۋشىلاردىڭ ساۋنا اۋماعىنا ورنالاستىرىلعانى انىقتالعان ەدى. قالا اكىمدىگى قىزمەت كورسەتۋشى كومپانيانى سوتقا بەرەتىنىن مالىم ەتتى.

سونداي-اق، اقمولادا لاگەرلەر اۋماعىنان ىشىمدىك بوتەلكەلەرى، تەمەكى بۋمالارى جانە قارۋ تابىلعانى حابارلانعان.

ال الماتى وبلىسىندا 22 بالالار لاگەرىنىڭ 8-ءى ءوز قىزمەتىن ۋاكىلەتتى ورگانداردىڭ رۇقساتىنسىز، سانيتارلىق-ەپيدەميولوگيالىق جانە ورتكە قارسى ەرەجەلەردى بۇزۋ ارقىلى جۇزەگە اسىرعانى بەلگىلى بولدى.

دەنساۋلىق ساقتاۋ ۆيتسە-ءمينيسترى - باس سانيتارلىق دارىگەر ايجان ەسماعامبەتوۆا بالالار لاگەرلەرىندە سانيتارلىق بۇزۋشىلىقتار نەگە ءجيى انىقتالاتىنىن جانە بەيىندى مينيسترلىك نەگە ونى قاداعالامايتىنىن تۇسىندىرگەن.

فوتو: اشىق دەرەككوزدەن

Abai.kz