وزبەكستاندا ەۆرەي سيناگوگالارىن ۇلتتىق گۆاريا قىزمەتكەرلەرى تاۋلىك بويى كۇزەتىپ تۇر.

"مەملەكەت سيناگوگالاردىڭ ماڭىنا كۇزەت قويدى. ۇلتتىق گۆارديا ساقاداي ساي تۇر. جۇرت تىنىش، كەلىپ، سيىنىپ جاتىر. ەشقانداي ماسەلە جوق" دەدى تاشكەنتتەگى سيناگوگا قىزمەتكەرلەرىنىڭ ءبىرى ازاتتىقتىڭ وزبەك قىزمەتىنە.

قوقان قالاسىنداعى ەۆرەي زيراتتارىنىڭ ماڭىنا دا ميليتسيا بەكەتتەرى قويىلعان.

"زيرات ماڭىندا ميليتسيا بەكەتتەرى تۇر. جاعداي قالىپتى. ەشقانداي ۆانداليزم بولمادى. ميليتسيونەرلەر تۇندە دە كۇزەتىپ تۇر" دەدى جەرگىلىكتى زيراتتاردىڭ بىرىندەگى كۇزەتشىلەردىڭ ءبىرى.

رەسمي مالىمەت بويىنشا، قازىرگى كەزدە وزبەكستاندا ون سيناگوگا ىستەپ تۇر: ۇشەۋى – تاشكەنتتە، سامارقان مەن بۇقارانىڭ ارقايسىسىندا ەكى سيناگوگادان بار. قالعان سيناگوگالار قوقان، مارعىلان، ءاندىجاندا ورنالاسقان.

ەۆرەي قاۋىمداستىعى وكىلدەرىنىڭ ايتۋىنشا، ولار وزبەكستاندا ەشقاشان سەميتيزمگە قارسى سيپاتتاعى قوقان-لوقى بايقاماعان.

رەسمي مالىمەت بويىنشا، وزبەكستاندا 1926 جىلى – 18 172 ەۆرەي تۇرعان، 1989 جىلى – 28 369, بۇقارادا 4200 ەۆرەي تۇرعان.

وتكەن عاسىردىڭ 90-جىلدارى ولاردىڭ كوبى اقش، يزرايل جانە ەۋروپا ەلدەرىنە قونىس اۋدارعان.

وزبەكستاننىڭ ونەر جانە مادەنيەت قايراتكەرلەرىنىڭ اراسىندا ەۆرەيلەر از ەمەس. بەرتا داۆىدوۆا، ماريام ياكۋبوۆا، ىسقاق كاتاەۆ جانە ماحاببات شاماەۆانىڭ شىعارماشىلعى ءاربىر وزبەك وتباسىنا تانىس. وزبەكستانداعى تانىمال انشىلەر يزرايل مەن امەريكاداعى ەۆرەيلەردىڭ ۇيلەنۋ تويلارىنا ءجيى قاتىسادى.

دەرەككوز: centralasian

Abai.kz