بۇگىن ارابتىڭ Terminals Holding كومپانياسى استانا حالىقارالىق اۋەجايىنىڭ جۇمىسىن قولعا الدى.

«8 قاراشادا شەتەلدىك ينۆەستور ءباا-ءنىڭ Terminals Holding كومپانياسى مەن استانا حالىقارالىق اۋەجايى اراسىنداعى بىرلەسكەن جۇمىس باستالدى. بۇگىن شەتەلدىك ينۆەستور استانا حالىقارالىق ايەجايىنىڭ سەرىكتەستەرىنە، اۋەكومپانيالارعا وزدەرىن تانىستىرىپ، الداعى جوسپارلارىمەن ءبولىستى.

نەگىزگى ماقسات - استانا اۋەجايىن ءمۋلتيمودالدى حاب رەتىندە دامىتۋ، ينۆەستيتسيا قۇيۋ ارقىلى ۇشۋ-قونۋ جولاعىن كۇردەلى جوندەۋ جاساۋ، جۇك تەرمينالىڭ قۋاتتىلىعىن جانە جولاۋشىلار اعىنىن ارتتىرۋ. بۇل استانا حالىقارالىق اۋەجايىنىڭ ۇشۋ-قونۋ جولاعىندا ساعاتىنا 20 ۇشۋ جانە قونۋ وپەراتسياسىن ورىنداۋعا مۇمكىندىك بەرەدى. ال جۇك تەرمينالىنىڭ اۋماعى 3,3 مىڭ شارشى مەتر بولادى. استانا حالىقارالىق اۋەجايى جىلىنا 11 مىڭ توننا جۇكتى قابىلداۋ جانە جونەلتۋ جۇمىسىن جۇرگىزىپ كەلەدى",– اۋەجايدىڭ ءباسپاسوز قىزمەتى تاراتقان حابارلامادا.

ورتاق كەلىسىم 1 جىلعا قاراستىرىلعان.

«ءبىر جىل كولەمىندە ينۆەستور استانا اۋەجايىنىڭ الەۋەتىن زەردەلەپ، مۇمكىندىكتەرىن قاراستىرادى. سودان كەيىن ناقتى ينۆەستيتسيا كولەمى مەن ۇزاق مەرزىمدى كەلىسىم-شارت جاساسۋ ماسەلەسى قاراستىرىلادى»، – دەپ ءمالىم ەتتى اۋەجايدىڭ ءباسپاسوز قىزمەتى.

ەسكە سالساق، 18 قازاندا قر پرەمەر-ءمينيسترى ءاليحان سمايىلوۆ تۇركىستان وبلىسىنا جۇمىس ساپارى بارىسىندا Terminals Holding كومپانياسىمەن ىنتىماقتاستىق تۋرالى كەلىسىمگە قول قويعان ەدى.

Abai.kz