وزبەكستان پرەزيدەنتى شاۆكات ميرزياەۆ جانجالداسۋشى تاراپتاردى اتىستى دوعارۋعا ۇندەسە، تۇرىك باسشىسى رەجەپ ەردوعان باتىستى «ءيزرايلدىڭ اسكەري قىلمىسىن قولدادى» دەپ ايىپتادى.
بۇل ۋاقىتتا G7 جانجالداسۋشى تاراپتاردى حالىقارالىق ءتارتىپتى ساقتاپ، گازاعا گۋمانيتارلىق كومەك جەتكىزۋ ءۇشىن اتىستى دوعارۋعا ۇندەگەن.
8 قاراشادا بۇۇ باس حاتشىسى انتونيۋ گۋتەرريش ءيزرايلدىڭ گازا سەكتورىنداعى اسكەري قيمىلدارىن تاعى ءبىر مارتە سىناعان.
تاشكەنتتەگى سامميتتە تۇركيا پرەزيدەنتى رەجەپ ەردوعان يزرايل بيلىگى گازا سەكتورىندا «ادامزاتتىڭ بۇكىل قۇندىلىعىن اياققا تاپتادى» دەپ مالىمدەدى.
TRT تەلەارناسىنىڭ حابارلاۋىنشا، ەردوعان يزرايل گازا سەكتورىندا شامامەن 11 مىڭ ادامدى اياۋسىز ءولتىردى، قازا بولعانداردىڭ 73 پايىزى ايەلدەر مەن بالالار دەپ مالىمدەگەن.
«ەگەر ءبىز ەاۇ رەتىندە، سونىمەن بىرگە مۇسىلمان رەتىندە داۋىس كوتەرمەسەك، وندا قاي ۋاقىتتا داۋىس شىعارامىز؟» دەپ سۇراعان ەردوعان.
حاماس باقىلاۋىنداعى گازانىڭ دەنساۋلىق ساقتاۋ مينيسترلىگىنىڭ حابارلاۋىنشا، سەكتور اۋماعىندا 10 مىڭنان استام ادام ءولدى، قازا بولعانداردىڭ 4800-ءى – بالا. مالىمەتتى تاۋەلسىز دەرەككوزدەرمەن تەكسەرۋ مۇمكىن ەمەس.
يزرايل جاعىندا 1400 ادام قازا بولدى. 241 يزرايلدىك سودىرلار قولىندا تۇتقىندا وتىر.
Abai.kz
