الماتى قالالىق سوتى 2022 جىلى قاڭتار وقيعالارى كەزىندە قالالىق اۋەجايدى باسىپ الۋ ءىسى بويىنشا سوتتالعانداردىڭ اپەللياتسيالىق شاعىمىن قارادى، دەپ حابارلايدى Ulysmedia.kz. 

ءبىرىنشى ساتىداعى سوت ۇكىمى وزگەرىسسىز قالدى. اۋەجاي، قىزمەت كورسەتۋ جانە اۋە كومپانياسى عيماراتىنىڭ وكىلدەرى جابىرلەنۋشى بولىپ تانىلعان. سوت ولارعا كەلتىرىلگەن شىعىندى جابىرلەنۋشىلەردىڭ پايداسىنا ءوندىرىپ الۋ تۋرالى شەشىم قابىلدادى.

11 شىلدەدە بەلسەندى ايگەرىم تىلەۋجانوۆا ءتورت جىلعا باس بوستاندىعىنان ايىرىلدى. بەلسەندى قالاس نۇرپەيىسوۆ 8 جىلعا سوتتالىپ كەتتى. نۇرلان داليباەۆقا دا 8 جىل باس بوستاندىعىنان ايىرۋ جازاسى بەرىلدى. ەرمۇحامەت شىلىباەۆ پەن جانايدار كارمەنوۆ تا سەگىز جىلعا باس بوستاندىعىنان ايىرىلدى.

شىلدە ايىنىڭ باسىندا ايگەرىم تىلەۋجانوۆا باس پروكۋرور بەرىك اسىلوۆتى كىناسىزدىك پرەزۋمپتسياسىن بۇزعانى ءۇشىن سوتقا بەرگەن ەدى. 2023 جىلدىڭ 5 قاڭتارىندا ءماجىلىستىڭ جالپى وتىرىسىندا اسىلوۆ دەپۋتاتتاردىڭ قاڭتار وقيعالارى تۋرالى سۇراعىنا جاۋاپ بەرە وتىرىپ، تىلەۋجانوۆا مەن بەلسەندى نۇرپەيىسوۆتى سوت ۇكىمى شىقپاي تۇرىپ، ء"دىني ەكسترەميستەر", سونداي-اق "جاپپاي تارتىپسىزدىكتەردى ۇيىمداستىرۋشىلار" دەپ اتاعان ەدى.

الايدا باس پروكۋراتۋرا مۇنى كىناسىزدىك پرەزۋمپتسياسىن بۇزۋ دەپ ەسەپتەمەدى. سوت اسىلوۆ جاعىنا شىعىپ، ءجۋرناليستىڭ تالابىن تولىق كولەمدە قاناعاتتاندىرۋدان باس تارتتى.

2022 جىلدىڭ باسىندا قازاقستاندا جاڭاوزەندە گاز باعاسىنىڭ كوتەرىلۋىنە بايلانىستى نارازىلىق باستالىپ، مۇنىڭ ارتى ءىرى قالالارداعى ميتينگتەرگە، ارتىنشا تارتىپسىزدىكتەرگە ۇلاستى. ولاردى باسۋ ءۇشىن پرەزيدەنت قاسىم-جومارت توقاەۆ ۇقشۇ ەلدەرىنىڭ قارۋلى كۇشتەرىن شاقىردى. قازاقستان بيلىگى تارتىپسىزدىكتەر ءۇشىن "تەرروريستەردى" ايىپتادى. قاڭتار وقيعالارى كەزىندە 238 ادام قۇربان بولدى.

فوتو: اشىق دەرەككوزدەن

Abai.kz