رەسەيدىڭ سىرتقى ىستەر ءمينيسترى سەرگەي لاۆروۆ ەۋروپالىق وداق رەسەيدى ورتالىق ازيادان ىعىستىرۋعا تىرىسىپ جاتىر، ال ماسكەۋ ەشقايدا كەتپەيدى دەپ مالىمدەدى. بۇل مالىمدەمەنى رەسەيلىك جۋرناليست پاۆەل زارۋبين تelegram-كانالىندا جاريالادى.

"ەۋروپالىق وداق ءبىزدى ورتالىق ازيا مەن كاۆكاز ايماقتارىنان بارىنشا ىعىستىرۋعا تىرىسىپ جاتقانىن جاسىرمايدى. بۇل بولمايدى. ءبىز عاسىرلار بويى وسىندامىز. ەشقايدا جوعالمايمىز. ونى ارىپتەستەرىمىز جاقسى بىلەدى", - دەدى رەسەيدىڭ باس ديپلوماتى.

سەرگەي لاۆروۆ مۇنى فرانتسيا پرەزيدەنتى ەممانۋەل ماكروننىڭ قازاقستانعا ساپارى كەزىندەگى سوزدەرىنە جاۋاپ رەتىندە ايتقان.

1 قاراشادا ماكرون استانادا قازاقستان باسشىسى قاسىم-جومارت توقاەۆپەن كەزدەسىپ، قاندايدا ءبىر ەلگە تاۋەلدى بولماۋعا شاقىرعان. ول سونىمەن بىرگە قازاقستان ءارتۇرلى فاكتورلارعا بايلانىستى قىسىمدا ەكەنىن اتاپ وتكەن.

فرانتسيا پرەزيدەنتى قازاقستاننان كەيىن وزبەكستانعا بارىپ، شاۆكات ميرزياەۆپەن كەلىسسوز جۇرگىزدى.

Abai.kz