«Burkit» ەكشن-ءفيلمىنىڭ پرەمەراسى ءوتتى. كينو تۋىندى مادەنيەت جانە اقپارات مينيسترلىگىنىڭ تاپسىرىسى بويىنشا «ۇلتتىق كينونى قولداۋ مەملەكەتتىك ورتالىعى» كومەگىمەن تۇسىرىلگەن.

وقيعا جەلىسىنە ارنايى جاساقتا قىزمەت ەتەتىن ءۇش جاۋىنگەردىڭ دوستىعى ارقاۋ بولادى. ولاردىڭ كۇندەلىكتى مىندەتى – قاۋىپتى قىلمىستىق توپتارعا قارسى تۇرۋ. سونداي قىلمىستىق توپقا قارسى تەكەتىرەستىڭ بىرىندە ءۇش جاۋىنگەردىڭ دوستىعى سىنالادى. ساربازدار "كۇرەڭ بەرەت" باس كيىمىنە يە بولۋعا تالاسادى. تۇسىرىلىمگە ارنايى جاساق، اسكەري تەحنيكا مەن اۆياتسيا، سونداي-اق ەكى جۇزدەن استام مەرزىمدى اسكەري قىزمەتشى قاتىسقان.

نازيرا راحمانقىزى، كينوتانۋشى:

- جالپى بۇل "بۇركىت" ءفيلمىنىڭ نەگىزگى ماقساتى بۇل كورەرمەنگە مىناۋ پوتريوتتىق تۇرعىدان قۇلشىنىس، موتيۆاتسيا بەرۋ. بۇل جانر ەندى وتە قيىن جانر عوي اسكەري پوتريوتتىق. سارىنداعى فيلم ءتۇسىرۋ بۇل وڭاي ەمەس. ال، ەندى ۋاقىت وتكەن سايىن سوڭعى 20 جىلدا ءتىپتى سوڭعى 10 جىلدا ءبىزدىڭ ەلدىڭ كينوسى زاماناۋي تەحنولوگيا جاعىنان شىنىڭ ايتقاندا وتە ءبىر جاقسى جەتىستىكتەرگە جەتىپ ءجۇر.

داۋرەن سەرعازين، اكتەر:

- بۇل ەندى و باستا مارقۇم بولىپ كەتتى گەنارال ساتوۆ دەگەن مىقتى كىسى بولعان. وسى نەگىزى ۇلتتىق ۇلاندا قىزمەت ەتكەن كىسى. سول كىسىنىڭ ويىندا جۇرگەن، سول كىسىنىڭ باستاماسىمەن تۇسىرىلگەن بولاتىن. كينو ەندى كوبىنەسە الماتىنىڭ اينالاسىندا باس اياعى ءتۇسىرىلىم پروتسەسى ءبىر ايداي بولدى.

Abai.kz