كەمەروۆو وبلىسىن 2018 جىلعا دەيىن 20 جىل باسقارعان امان تولەەۆ 80 جاسقا قاراعان شاعىندا قايتىس بولدى. قارالى حاباردى ايماق باسشىسى سەرگەي تسيۆيلەۆ ۆكونتاكتە پاراقشاسىندا جەتكىزدى.

امان تولەەۆ 1944 جىلى كراسنوۆودسك قالاسىندا دۇنيەگە كەلگەن. اكەسى – قازاق. بايۇلى تايپاسىنىڭ اداي رۋىنان شىققان.

ءنوۆوۆسىبىر تەمىر جول ينجەنەرلەرى ينستيتۋتىن (1973), قوعامدىق عىلىمدار اكادەمياسىن (1989) بىتىرگەن. ەڭبەك جولىن 1964 جىلى كەمەروۆ وبلىسىندا تەمىر جولشى بولىپ باستاعان.

1997 جىلدان كەمەروۆو وبلىسىنىڭ گۋبەرناتورى بولدى. 3 رەت (1991, 1996, 2000) رف پرەزيدەنتتىگىنە كانديدات بولىپ تىركەلدى.

ەستەرىڭىزگە سالا كەتەيىك، 2018 جىلدىڭ 25 ناۋرىزىندا رەسەيلىك كەمەروۆوداعى ءتورت قاباتتى «زيمنيايا ۆيشنيا» ساۋدا ورتالىعىندا ءورت بولدى. ءورت وشاعى جوعارعى قاباتتان شىعادى، وندا بىرنەشە كينوتەاترلار مەن بالالار ويىن الاڭدارى ورنالاسقان. ورتتەن 64 ادام قازا بولدى. قايتىس بولعاندار تىزىمىندە 41 بالا بولدى. زارداپ شەككەندەردىڭ جالپى سانى 79-عا جەتتى. ورتتەن كەيىن امان تولەەۆ ءوز ەركىمەن وتستاۆكاعا كەتۋ جايلى ءوتىنىش جازدى.

Abai.kz