قر سىبايلاس جەمقورلىققا قارسى ءىس-قيمىل اگەنتتىگى وتكەن جىلدان بەرى پارا بەرگەن نەمەسە العان لاۋازىمدى تۇلعالاردىڭ سانىن اتادى.

«وتكەن جىلى جانە بيىل 10 ايدا ەلىمىزدە (بارلىق قۇقىق قورعاۋ ورگاندارى بويىنشا) سىبايلاس جەمقورلىق قىلمىستىق قۇقىق بۇزۋشىلىق جاساعانى ءۇشىن 359 لاۋازىمدى تۇلعا قر قىلمىستىق پروتسەستىك كودەكستىڭ 128-بابى بويىنشا ۇستالدى. سىبايلاس جەمقورلىق ارەكەتى بويىنشا سوتتالعانداردىڭ كوبى الماتى، استانا، شىمكەنت قالالارى جانە تۇركىستان، جامبىل وبلىستارىندا»، - دەگەن جاۋاپ كەلدى انتيكوردان Kazinform اگەنتتىگى جولداعان ساۋالعا.

وسى ۋاقىتقا دەيىن سىبايلاس جەمقورلىققا قارسى قىزمەت ەلدەن زاڭسىز شىعارىلعان اكتيۆتەردى سونداي-اق قىلمىستىق ىستەر ارقىلى كەلتىرىلگەن زالالدى، ياعني، جالپى سوماسى 857 ملرد تەڭگەنى قايتاردى.

«قازاقستان رەسپۋبليكاسى كونستيتۋتسياسىنىڭ جانە قىلمىستىق-پروتسەستىك زاڭناماسىنىڭ نورمالارىنا سايكەس، زاڭ مەن سوت الدىندا بارلىعى تەڭ. قىلمىستىق قۋدالاۋ ورگانى قىلمىستىق قۇقىق بۇزۋشىلىقتاردى وبەكتيۆتى تەرگەۋدى، قىلمىستىق-پروتسەستىك كودەكس تالاپتارىنا قاتاڭ سايكەستىكتە ولاردى جاساعان ادامداردى اشكەرەلەۋدى جانە كۇدىكتىلەردىڭ اتقاراتىن لاۋازىمدارىنا قاراماستان، قىلمىستىق جاۋاپتىلىققا تارتۋدى جۇزەگە اسىرادى»، - دەيدى ۆەدومستۆودان.

Abai.kz