سمايىلوۆ: «شەتەلدىكتەرگە جەر بەرۋ دەگەن ماسەلە كوتەرىلگەن جوق»
ۇكىمەت باسشىسى ءاليحان سمايىلوۆ «قازاقستان بقو جەرلەرىن شەتەلدىكتەرگە بەرمەك» دەگەن الىپ-قاشپا اڭگىمە تۋرالى پىكىرىن ءبىلدىردى.
«قازاقستان رەسپۋبليكاسىنىڭ جەر تۋرالى كودەكسىندە شەتەلدىكتەرگە، شەتەلدىك كومپانيالارعا نەمەسە شەتەلدىكتەردىڭ قاتىسى بار قازاقستاندىق كومپانيالارعا اۋىلشارۋاشىلىعىنا ارنالعان جەرلەردى مەنشىككە نەمەسە پايدالانۋعا بەرۋگە تىيىم سالىنعان. ونداي قۇقىق تەك قانا قازاقستاندىقتاردا بار. سوندىقتان شەتەلدىكتەرگە جەر بەرۋ دەگەن ماسەلە ەش قارالىپ جاتقان جوق، قارالمايدى دا»، -دەدى پرەمەر-مينيستر جۋرناليستەرگە بەرگەن جاۋابىندا.
فوتو: primeminister.kz
Abai.kz
