استانا قالاسىنىڭ 2035 جىلعا دەيىنگى باس جوسپارىنىڭ جوباسى اشىق قۇقىقتىق رەتتەۋ پورتالىندا جاريالاندى. جوبا 8 جەلتوقسانعا دەيىن قوعامدىق تالقىلاۋدان وتەدى. 

2035 جىلعا قاراي ەلوردادا 2,3 ميلليون ادام تۇرادى دەپ كۇتىلۋدە، ونىڭ 66 پايىزى ەڭبەككە قابىلەتتى جاستاعىلار. قازىر استانا حالقىنىڭ سانى 1,2 ميلليون ادامدى قۇرايدى.

الداعى 12 جىلدا قالانىڭ تۇرعىن ءۇي قورى قازىرگى 25 ميلليون شارشى مەتردەن ايتارلىقتاي ارتادى. تۇرعىن ءۇي قورىنىڭ كورسەتكىشى 21,1 شارشى مەتردەن 68,2 ملن شارشى مەترگە دەيىن ۇلعايادى دەپ جوسپارلانۋدا.

جالپى ءبىلىم بەرەتىن وقۋ ورىندارىندا 257,4 مىڭ وقۋشى ورىنى كوبىرەك بولىپ، قازىرگى 94 341 ورىنعا تولىقتىرىلادى. 164 جاڭا مەكتەپ پايدا بولادى، قازىر استانادا ونىڭ 100-ءى بار.

اتقارۋشى بيلىك بالاباقشالارداعى ورىنداردىڭ سانىن 82,7 مىڭعا كوبەيتپەك.

سونىمەن قاتار، 2025 جىلعا قاراي استانادا 27 دەنساۋلىق ساقتاۋ نىسانىن، 2035 جىلعا قاراي 62 دەنساۋلىق ساقتاۋ نىسانىن (ونىڭ ىشىندە 3 اۋرۋحانا، 53 ەمحانا جانە 5 وڭالتۋ ورتالىعى) سالۋ جوسپارلانۋدا. اۋرۋحانا توسەكتەرىنىڭ سىيىمدىلىعى 4265 بىرلىككە ارتادى.

كوشەلەر مەن جولداردىڭ ۇزىندىعىن 1 مىڭنان 2,5 مىڭ شاقىرىمعا دەيىن ۇلعايتۋ جوسپارلانۋدا.

استانادا 17 نوسەرلى كارىزدى تازارتۋ قۇرىلىستارىنىڭ كەشەنى جانە 113 جاڭبىر سورعى ستانتسيالارى بار. نوسەرلى كارىز جەلىلەرىنىڭ جالپى ۇزىندىعى 610,2 شاقىرىمدى قۇرايدى. 2025 جىلعا قاراي 7 تازارتۋ نىسانىنىڭ قۇرىلىسى جوسپارلانۋدا. ولار 2035 جىلعا دەيىن ءدال وسىنداي كارىز جەلىسىن سالماق.

باس جوسپارعا سايكەس، 2035 جىلعا قاراي استانادا اۋماعى 386 گەكتار بولاتىن جاڭا زيرات پەن كرەماتوري سالۋ كوزدەلىپ وتىر.

سونىمەن قاتار، بيولوگيالىق جانە مەديتسينالىق قالدىقتاردى كادەگە جاراتاتىن كرەماتوري مەن پاتولوگيالىق-اناتوميالىق بيۋرو سالۋ جوسپارلانۋدا.

استانانىڭ 2035 جىلعا دەيىنگى باس جوسپارى تۋرالى تولىعىراق اقپاراتتى «اشىق قۇقىقتىق اكتىلەر» پورتالىنان بىلۋگە ​​بولادى.

Abai.kz