«قازپوشتا» اق-دا ىشكى تەرگەۋ جۇمىستارى جالعاسىپ جاتىر. وسىلايشا، 2023 جىلدىڭ قورىتىندىسى بويىنشا بىرقاتار وڭىردە جالپى سوماسى 273 ملن تەڭگەنى قۇرايتىن قارجىلىق زاڭ بۇزۋشىلىقتار انىقتالدى، دەپ جازادى Qaz365kz. 

قازىرگى تاڭدا ىشكى تەكسەرۋ ماتەريالدارى پروتسەسسۋالدىق شەشىم قابىلداۋ، كۇدىكتىلەردى جاۋاپقا تارتۋ، سونداي-اق كەلتىرىلگەن شىعىن سوماسىن وتەۋ ءۇشىن ەكونوميكالىق تەرگەۋ دەپارتامەنتىنە جولداندى.

زاڭ بۇزۋشىلىق فاكتىلەرى قاتارىندا جىمقىرۋ، الاياقتىق، ۇرلىق جانە زاڭسىز سىياقى الۋ فاكتىلەرى بار. بارلىعى 7 وڭىرلىك فيليالدا 11 قىلمىستىق ءىس تىركەلدى»، –دەلىنگەن مەكەمە حابارلاماسىندا.

«قازپوشتا» اق اقپاراتىندا ۆەدومستۆونىڭ ورتالىق كەڭسەسىندە جانە جەرگىلىكتى جەرلەردە زاڭ بۇزۋشىلىق ارەكەتتەرمەن كۇرەس ودان ءارى جالعاساتىنى ايتىلعان. بۇل باعىتتا مەكەمە باسشىلىعى قۇقىق قورعاۋ ورگاندارىمەن بىرلەسىپ جۇمىس ىستەمەك.

فوتو: اشىق دەرەككوزدەن

Abai.kz